A Xarxa Educativa per la Llengua pon en marcha esta campaña informativa pola que repartirán polos centros educativos folletos traducidos en nove linguas, entre elas, chinés, árabe, italiano, francés, alemán ou inglés.
Fonte: Última Hora
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
15 de febreiro de 2024
14 de febreiro de 2024
Foi a Mesa pola Normalización Lingüística quen recibiu a queixa dun cidadán que presentou un escrito en galego no Rexistro Civil ao que lle responderon que a lingua dos procedementos tramitados pola Administración xeral do Estado é o castelán.
Fonte: Galicia Press
14 de febreiro de 2024
A Generalitat de Cataluña reedita a guía Aprenem català des de l’urdú, unha actualización que ten como obxectivo ofrecerlles unha versión renovada ás persoas falantes de urdú que queren aprender catalán.
Fonte: Generalitat de Catalunya
14 de febreiro de 2024
O volume Toponimia de Antas de Ulla, elaborado por Andrea Santiso Arias, recolle os nomes de lugar deste concello da comarca luguesa da Ulloa. Inclúe un total de 165 topónimos das 28 parroquias e 133 lugares do municipio coa súa orixe e significado.
Fonte: Real Academia Galega
14 de febreiro de 2024
O premio Kiroletik Bagoaz Euskaraz ten como obxectivo recoñecer as iniciativas a favor do éuscaro impulsadas no ámbito deportivo por asociacións e particulares. Na súa primeira edición o galardón vai para o psicólogo Aritz Olagoi.
Fonte: Gobierno Vasco
14 de febreiro de 2024
O Goberno do Reino Unido destinou unha partida orzamentaria de medio millón de libras esterlinas a fortalecer e promover a lingua córnica nas escolas, na industria audiovisual e nas comunidades.
Fonte: Pirate FM
13 de febreiro de 2024
Máis de 100 eventos en varios países de todo o mundo celebran o Día Internacional da Lingua Grega e o rol que este idioma ten e tivo na cultura global.
Fonte: Ekathimerini
13 de febreiro de 2024
Un grupo de activistas a prol do gaélico irlandés manifestouse diante da cámara baixa do Parlamento de Irlanda para protestar sobre a crise da vivenda nas Gaeltacht ou zonas de fala irlandesa.
Fonte: The Journal
12 de febreiro de 2024
O Goberno de Albania empregará unha ferramenta de intelixencia artificial para traducir ao albanés centos de documentos legais co fin de acelerar o seu proceso de adhesión á Unión Europea.
Fonte: Euroactiv
12 de febreiro de 2024
A comunidade kurda que vive en Suecia iniciou unha campaña en liña para demandarlle á canle pública de radio Sverige Radio que reconsidere a súa decisión de deter o servizo radiofónico en kurdo.
Fonte: Rudaw
Boletín
Subscríbase ao boletín
