As forzas sindicais da Universidade de Aberdeen, en Escocia, convocaron unha folga para loitar contra os plans que prevén recortar os estudos de grao en francés, alemán, gaélico e español para o próximo ano lectivo.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de febreiro de 2024
07 de febreiro de 2024
O Consello das Artes do País de Gales lanzará o programa Llais y Lle (Voz de Lugar) que pretende apoiar e fomentar proxectos creativos en lingua galesa na zona de Swansea.
Fonte: Swansea Bay News
07 de febreiro de 2024
O acordo que asinarán o Servizo de Garantía dos Dereitos Lingüísticos e o Ararteko (o valedor do pobo do País Vasco) terá unha vixencia de catro anos e o seu obxectivo será definir a colaboración na protección da cidadanía fronte á discriminación lingüística e protexer os seus dereitos neste eido.
07 de febreiro de 2024
As expresións culturais vinculadas á cultura xorda e á lingua de signos española incluiranse na lista de patrimonio cultural inmaterial como manifestación representativa, unha decisión que implica que o Estado se vai comprometer coa súa salvagarda e protección.
Fonte: Servimedia
07 de febreiro de 2024
O secretario xeral de Política Lingüística, Valentín García, participou no CEIP da Ramallosa, en Teo, na clausura do programa de dinamización lingüística da Xunta «21 días co galego e +», que nesta VI edición, centrada por primeira vez en exclusiva nas etapas de Infantil e Primaria, volveu bater récord de participación con 4587 persoas voluntarias implicadas pertencentes a 10 centros educativos das catro provincias.
07 de febreiro de 2024
Como cada ano, a Xunta de Galicia conmemorará o Día de Rosalía o vindeiro 23 de febreiro colaborando cunha ampla programación cultural e gastronómica entre a que se inclúe, como novidade, unha campaña de promoción do libro en galego pola que se repartirán 20 000 escolmas da autora de Follas Novas.
06 de febreiro de 2024
O Goberno do País de Gales anunciou o lanzamento da campaña Cynllun Pontio que permitirá promover o retorno ás escolas do País de Gales de profesorado competente en lingua galesa.
Fonte: Wales 247
06 de febreiro de 2024
O ministro de Educación de Marrocos, Chakib Benmoussa, quere reforzar o ensino da lingua tamazight (ou bérber) e revelou que para o ano 2029 todo o alumnado de primaria poderá aprender este idioma.
Fonte: Morocco World News
06 de febreiro de 2024
A Generalitat de Cataluña convoca axudas para promover actuacións de fomento do catalán nas empresas
A convocatoria desta nova liña de axudas para impulsar actuacións de fomento do catalán no ámbito empresarial ao longo do ano 2024 estará aberta ata o 21 de febreiro.
Fonte: Generalitat de Catalunya
06 de febreiro de 2024
Os cursos de galego que oferta a Universidade de Vigo no segundo cuadrimestre, en modalidade virtual, son de iniciación á lingua galega para estudantes de intercambio, calidade lingüística no TFG ou TFM, erros frecuentes, nivel avanzado e especializados de linguaxe administrativa e xurídica e de escrita en internet.
Boletín
Subscríbase ao boletín
