Un novo programa piloto en Kerry, Irlanda, ofrece apoio ás familias que educan os seus fillos en irlandés, mediante asesoramento profesional e recursos específicos. A iniciativa pretende reforzar a presenza do idioma no fogar e contribuír á súa continuidade entre xeracións.

Fonte: Radio Kerry

O Goberno mexicano puxo en marcha unha estratexia para preservar a diversidade lingüística mediante accións directas nas comunidades indíxenas. O plan contempla a creación de Casas de Lingua Indíxena en máis de 20 estados e abrangue máis de 60 linguas e numerosas variantes, con especial atención ás que están en risco de desaparición. A iniciativa busca reforzar o uso, transmisión e recoñecemento destas linguas como parte esencial da identidade cultural do país.

O número de estudantes estranxeiros que precisan apoio para aprender xaponés incrementouse notablemente nas últimas dúas décadas. Este cambio obriga as escolas a se adaptaren con máis recursos lingüísticos e medidas de integración para garantir a igualdade de oportunidades no ensino.

Fonte: Japan Wire

O Concello da Pobra do Brollón porá en marcha, desde o 7 de abril, un curso de galego para persoas adultas co que pretende impulsar a aprendizaxe e o uso da lingua no ámbito local. As clases desenvolveranse os martes, de sete a oito e media do serán, na aula da Escola Municipal de Música e estarán abertas a distintos perfís, ao tratarse dunha formación adaptada a todos os niveis. A actividade terá un custo de 15 euros e contará con prazas limitadas.