O Instituto Nacional de Linguas Indíxenas premiou tres obras escritas en zapoteco, tsotsil e huasteco, que resultaron gañadoras da convocatoria Cómic en Linguas Indíxenas Nacionais.
Fonte: Noroeste
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de xaneiro de 2024
Esta ducia de medidas, que supuxeron un investimento de máis de dous millóns de euros, teñen como obxectivo impulsar o uso do catalán no ámbito do coñecemento e están destinadas á acollida lingüística dos estudantes de mobilidade, a proxectos lingüísticos nas universidades, á acreditación lingüística do profesorado, á información sobre o respecto dos dereitos lingüísticos etc.
04 de xaneiro de 2024
O consistorio entregaralles as subvencións directamente ás persoas que estuden éuscaro, para que paguen a matrícula. Para optar a estas axudas, deben ser maiores de idade; ter un nivel mínimo de asistencia do 75 % nos niveis A1, A2, B1, B2 e do 80 % no nivel C1; e matricularse nun centro recoñecido por Habe.
Fonte: El Diario Vasco
04 de xaneiro de 2024
Filólogas da Universidade de Santiago, en colaboración co Instituto da Lingua Galega, lanzan o primeiro dicionario de mulleres lexicógrafas de linguas duns 25 países, unha ferramenta en liña que se pode consultar en galego e en inglés.
Fonte: Nós Diario
03 de xaneiro de 2024
En total recibiron apoio 56 proxectos grazas a unha liña de subvencións, á que se destinou 1,6 millóns de euros nos anos 2022 e 2023, para a incorporación do catalán aos produtos tecnolóxicos.
Fonte: Generalitat de Catalunya
03 de xaneiro de 2024
A Cámara Alta destina arredor de 750 000 euros a tradutores de catalán, éuscaro, galego e valenciano
O Senado licitou un contrato por un importe máximo de 756 000 euros para os servizos de tradución e interpretación das intervencións que se realicen en galego, éuscaro, catalán e valenciano durante as sesións parlamentarias desta Cámara.
Fonte: Galicia Confidencial
03 de xaneiro de 2024
Ao longo do ano 2023 déuselles continuidade a diferentes accións para preservar, fortalecer e promover a diversidade lingüística e cultural de México, entre elas, sinalización en linguas indíxenas, a Feira das Linguas Indíxenas, a conmemoración do Día Internacional da Lingua Materna, profesionalización de persoas intérpretes e tradutoras etc.
03 de xaneiro de 2024
A Xunta de Galicia aposta pola difusión do cinema galego a través da colaboración coa plataforma en liña Filmin para poñer a disposición do público un catálogo monográfico no que se agrupan filmes de autoría galega, xunto con outras películas que poden verse en galego grazas á dobraxe ou aos subtítulos.
Fonte: Xunta de Galicia
03 de xaneiro de 2024
Cada ano danse a coñecer en distintas linguas as palabras que mellor definen a actualidade e que no caso de 2023 foron, por poñer algún exemplo, polarización en español, femminicidio (feminicidio) en italiano, Krisenmodus (modo crise) en alemán, artificial intelligence (intelixencia artificial) en inglés, zei (impostos) en xaponés ou monsterbank (banco monstro) en Suíza.
03 de xaneiro de 2024
Un total de 51 nenas e nenos recibiron un agasallo por participar na segunda edición do certame Cartas de Verán, unha iniciativa do Concello da Coruña que busca fomentar a escrita en lingua galega entre os menores de ata 12 anos.
Fonte: A Coruña na Rede
Boletín
Subscríbase ao boletín
