Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno do Quebec aprobará a subida das taxas universitarias para persoas procedentes doutras provincias canadenses e esixirá que todos os que estuden nas universidades quebequesas obteñan un certificado de nivel intermedio de francés antes de rematar os seus estudos.
Fonte: BBC
Un proxecto aprobado pola rexión italiana Friúl Venecia Xulia permitirá destinar 50 000 euros á dixitalización dos fondos en lingua friulana da biblioteca Vincenzo Joppi de Udine.
Fuente: Friuli Oggi
Dinamizaestrada, que agrupa todos os centros de primaria e secundaria da Estrada, convoca unha nova edición do concurso de microrrelatos e micropoemas en galego co obxectivo de fomentar entre o alumnado a creación literaria nesta lingua.
Fonte: Faro de Vigo
Esta convocatoria de subvencións está dirixida a entidades sen ánimo de lucro e que impulsen actividades de fomento do éuscaro en diferentes ámbitos sociais, como lecer, deporte, contidos dixitais, contorno laboral etc.
Fonte: Diputación Foral de Bizkaia
Estes galardóns recoñecen o labor de personalidades, entidades e proxectos que traballan para fomentar a lingua de signos catalá (LSC). No acto de entrega dos premios presentouse a adaptación do Marco Común Europeo de Referencia para a Aprendizaxe de Linguas á LSC.
Fonte: Generalitat de Catalunya
Esta ferramenta, destinada a familias con fillas/os de 3 a 6 anos e elaborada por estudantes do 4º curso do Grao en Pedagoxía da Universidade de Santiago, ten como obxectivo promover unha relación saudable coas tecnoloxías e as contornas dixitais.
Fonte: Código Cero
Centos de escolas primarias da Illa de Man participaron nunha iniciativa de elaboración de postais do Departamento de Educación, Deportes e Cultura para aprender o gaélico manés.
Fonte: FM Energy
Un estudo realizado en diversas localidades de Turquía revelou que unha importante porcentaxe (61 %) das persoas de orixe kurda quere que este idioma se converta en lingua oficial.
Fonte: Bianet
O Goberno navarro tomará en consideración o proxecto de decreto que regula a valoración de méritos no acceso a postos de traballo na Administración foral, entre eles, o coñecemento do éuscaro cando estea relacionado co contido do posto.
Neste acto, celebrado en Bilbao, recoñecéronse os avances de entidades públicas e privadas en materia de xestión e desenvolvemento do éuscaro. Así, ademais dos certificados Bikain, entregáronse outros distintivos como os diplomas Harrobi.
Subscríbase ao boletín
