Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Un estudo do Instituto Tecnolóxico de Massachusetts (MIT, polas súas siglas en inglés) revelou que as persoas que falan cinco ou máis linguas procesan a lingua materna e as linguas non nativas de xeito diferenciado. O estudo podería dar información importante sobre a capacidade de adaptación do cerebro humano e sobre a pegada cognitiva das primeiras linguas.
Fonte: Neuroscience
Un tradutor de lingua de signos desenvolvido por CESAR (Centro de Estudos e Sistemas Avanzados de Recife) a través de intelixencia artificial vence o premio de innovación SXSW (South by Southwest).
Fonte: Bloomberg Línea
A Generalitat de Cataluña presentou o programa, acompañado dunha proposta didáctica, da lingua de signos catalá do nivel básico (A2) no que se definen as competencias lingüísticas e comunicativas.
Fonte: Generalitat de Catalunya
Estes galardóns recoñecen os mellores traballos gravados, subtitulados ou dobrados ao aragonés. Na categoría xeral o premio foi para Luz de setiembre e na escolar, para Pende de ros 2/Depende de los 2.
Fonte: El Cruzado
O Goberno de Cataluña destinará 6,9 millóns de euros, a dotación máis elevada da historia, ás subvencións de dobraxe e subtitulación en catalán co obxectivo de chegar a máis espectadores e de que esta lingua estea presente nas principais plataformas dixitais.
Fonte: Generalitat de Catalunya
Un total de 234 estudantes do IES Concepción Arenal de Ferrol participan, entre o 11 e o 22 de marzo, no Desafío galego, unha iniciativa pola que se comprometen a usar a lingua galega e a galeguizar as redes sociais.
Fonte: Galicia Confidencial
Ante a probable aprobación dunha lei que permita a creación de universidades privadas en Grecia, as universidades públicas de Atenas e Tesalónica estanse a mobilizar para que se manteña o requisito que obriga o estudantado estranxeiro a coñecer o grego moderno para cursar estudos universitarios.
Fonte: Ekathimerini
Por primeira vez na historia da Asemblea de Irlanda do Norte, unha comisión parlamentaria recibe un testemuño en gaélico irlandés. A intervención foi interpretada simultaneamente ao inglés.
Fonte: BBC
Ao abeiro desta conmemoración, celébranse as XVI Xornadas Martín Sarmiento e preséntase o primeiro Dicionario do Galego do Bierzo. Así mesmo, farase entrega do IV Premio Antonio Fernández Morales.
Fonte: Consello da Cultura Galega
Un estudo elaborado na Universidade de Texas revela que o tamaño e composición do núcleo familiar pode influenciar o desenvolvemento lingüístico das persoas.
Fonte: Neoroscience
Subscríbase ao boletín
