A Axencia para a Integración, Migracións e Asilo (AIMA) de Portugal presentará un plan de acción para promover a aprendizaxe do portugués por parte das persoas migrantes.
Fonte: Diário de Notícias
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de decembro de 2023
01 de decembro de 2023
Ante a escaseza de material en liña para nais e pais que non falen galés, unha nai galesa de Swansea creou un sitio web con contidos en galés para que as familias poidan axudar os seus fillos e fillas coa aprendizaxe do idioma.
Fonte: BBC
01 de decembro de 2023
O presidente da Asociación da Lingua e Cultura Mirandesas manifestou a súa satisfacción pola aprobación da iniciativa parlamentaria que creará un organismo para a promoción do mirandés, a segunda lingua oficial de Portugal.
Fonte: Mensageiro de Bragança
01 de decembro de 2023
O Goberno do País de Gales está tomando importantes medidas para que o galés xogue un papel fundamental na integración das persoas migrantes na sociedade galesa.
Fonte: The Conversation
01 de decembro de 2023
A Universidade de Aberdeen, unha das máis antigas de Escocia, está considerando a cancelación das licenciaturas lingüísticas pola baixada das matrículas.
Fonte: STV News
01 de decembro de 2023
O festival Carballo Interplay, que se celebrará os días 4, 5, 6 e 7 de abril de 2024, presenta unha novidade para a vindeira edición: o Premio a Mellor Contido Dixital en Galego, cuxo obxectivo é darlles visibilidade aos creadores e creadoras que difunden contidos audiovisuais nesta lingua na rede.
Fonte: Código Cero
01 de decembro de 2023
Unhas sesenta persoas participaron nunha proba piloto para fomentar o uso do catalán no ámbito dos servizos sociais. Esta actividade formativa buscaba coñecer as causas dos hábitos lingüísticos da poboación catalanfalante, adquirir competencias para usar esta lingua no contexto laboral ou intervir nos prexuízos lingüísticos.
01 de decembro de 2023
O secretario xeral de Política Lingüística, Valentín García, participou na entrega do Premio Otero Pedrayo 2023 ao académico Darío Villanueva, galardoado pola súa contribución á cultura no campo das letras e do coñecemento.
30 de novembro de 2023
Este informe sinala que o ano pasado se rexistraron 212 incidencias por vulneracións dos dereitos lingüísticos, 65 menos que o ano anterior. O 96 % das queixas relacionouse co dereito a usar o éuscaro.
Fonte: Gobierno Vasco
30 de novembro de 2023
PSOE e Sumar presentaron un recurso, impulsado pola Obra Cultural Balear, ante o Tribunal Constitucional contra o decreto que elimina o requisito do catalán na sanidade.
Fonte: Cadena SER
Boletín
Subscríbase ao boletín
