Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O premio Kiroletik Bagoaz Euskaraz ten como obxectivo recoñecer as iniciativas a favor do éuscaro impulsadas no ámbito deportivo por asociacións e particulares. Na súa primeira edición o galardón vai para o psicólogo Aritz Olagoi.
Fonte: Gobierno Vasco
O Goberno do Reino Unido destinou unha partida orzamentaria de medio millón de libras esterlinas a fortalecer e promover a lingua córnica nas escolas, na industria audiovisual e nas comunidades.
Fonte: Pirate FM
Máis de 100 eventos en varios países de todo o mundo celebran o Día Internacional da Lingua Grega e o rol que este idioma ten e tivo na cultura global.
Fonte: Ekathimerini
Un grupo de activistas a prol do gaélico irlandés manifestouse diante da cámara baixa do Parlamento de Irlanda para protestar sobre a crise da vivenda nas Gaeltacht ou zonas de fala irlandesa.
Fonte: The Journal
O Goberno de Albania empregará unha ferramenta de intelixencia artificial para traducir ao albanés centos de documentos legais co fin de acelerar o seu proceso de adhesión á Unión Europea.
Fonte: Euroactiv
A comunidade kurda que vive en Suecia iniciou unha campaña en liña para demandarlle á canle pública de radio Sverige Radio que reconsidere a súa decisión de deter o servizo radiofónico en kurdo.
Fonte: Rudaw
O Concello de Carballo pon en marcha unha nova edición dos obradoiros de acollemento lingüístico para que persoas de fóra de Galicia entren en contacto coa lingua e coa cultura galegas, así como cursos de preparación das probas Celga.
Fonte: Concello de Carballo
Iniciativa pol Asturianu trasladoulle a Paradores as súas propostas a través dunha carta, na que, ademais do tema da toponimia, tamén facían referencia á tradución ao asturiano da web da rede hoteleira ou a incorporación de obras nesta lingua ás súas bibliotecas.
Apego, o programa de socialización en galego para familias nenos e nenas de cero a seis anos, ten preparadas ata xuño varias actividades en Carballo (teatro, contos, música, obradoiros etc.).
Fonte: Concello de Carballo
Elite Taxi esíxelle ao Goberno unha nova política lingüística para o sector en Cataluña e que inclúa a obriga de acreditar o nivel B2 de catalán para exercer.
Fonte: Diari Més
Subscríbase ao boletín
