Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O informe Actitudes de la población de origen extranjero hacia el euskera, elaborado pola Fundación Begirune, conclúe que case un 85 % das persoas de orixe estranxeira non sabe nada de éuscaro; un 10 % ten nocións básicas; e un 5 % conta cun coñecemento medio ou alto desta lingua.
Fonte: Noticias de Gipuzkoa
O ciclo cultural en éuscaro Gora Gora Fest 2023 levará, entre o 3 de novembro e o 10 de decembro, a máis de medio cento de localidades navarras espectáculos de maxia, teatro, monólogos, obradoiros de reciclaxe de roupa e sesións de conto teatralizadas.
3Cat é unha nova plataforma dixital dos medios públicos que ofrecerá, de xeito gratuíto e en catalán, vídeo e audio a demanda, todos os directo de TV3 e Catràdio, e canles temáticas, así como un amplo catálogo de series, documentais, información, deportes, cultura, divulgación etc.
Fonte: Generalitat de Catalunya
O Concello de Ares e a editorial Hércules de Edicións anuncian a segunda edición deste galardón que ten como obxectivo fomentar a creación literaria e a riqueza cultural da emigración galega, así como da literatura en galego.
Fonte: Concello de Ares
A Galipedia, a versión en galego da Wikipedia, celebra o seu vixésimo aniversario, unha conmemoración que vén acompañada da superación dun novo fito: alcanzar os 200 000 artigos publicados, o que sitúa o galego como a 53ª lingua con máis entradas na Wikipedia.
Despois de 140 anos, Suecia completa o Dicionario da Academia Sueca (SAOB, polas súas siglas en sueco) que conta con 33 111 páxinas e 39 volumes.
Fonte: RFI
A Facultade de Humanidades e Ciencias da Educación da Universidade da República de Montevideo impartirá un curso básico de lingua guaraní. A formación estará a cargo de docentes do Instituto Técnico Superior de Estudos Culturais e Lingüísticos de Paraguai.
Fonte: ABC
Baixo o lema «Som més fortes que la censura», esta campaña para fomentar a lectura de revistas en catalán, que estará en vigor ata finais de ano, naceu en resposta aos ataques á lingua e ás publicacións neste idioma.
Fonte: Diari Més
As entidades asinantes do manifesto contra a segregación lingüística nas aulas pídenlle á presidenta balear que non se separe o alumnado en función da lingua de ensino (castelán ou catalán).
Fonte: Mallorca Diario
O XIV Día da Ciencia en Galego, cuxo lema deste ano é “Saúde para todos”, renderáselles homenaxe a Alexander Fleming e mais a Domingo García-Sabell. Así mesmo, ao longo de todo o mes de novembro impartirase unha serie de videoconferencias didácticas dirixidas a centros de ensino galegos.
Subscríbase ao boletín
