Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Telefónica Servizos Audiovisuais (TSA) e a Sociedade Informática do Goberno Vasco (EJIE, polas súas siglas en éuscaro) anunciaron que se están a realizar probas para avaliar a viabilidade de usar a dobraxe automática de contidos audiovisuais empregando a intelixencia artificial.
Fonte: Panorama Auodivisual
A Facultade de Letras da Universidade de Balkh, en Afganistán, contará a partir de marzo de 2024 con Departamento de Lingua Turca grazas a un esforzo colaborativo entre a universidade e a Axencia Turca de Cooperación e Coordinación (TIKA).
Fonte: Daily Sabah
A Xunta de Galicia e a Universidade de Santiago de Compostela presentaron a campaña AgasallaNós de doazón de voz para o Proxecto Nós. Trátase dunha iniciativa que permitirá recoller a variedade fonética e dialectal de Galicia para permitir que dispositivos como Siri, Alexa ou Google recoñezan as distintas cadencias lingüísticas do galego.
Fonte: O Portal da Lingua Galega
En 2023, a Secretaría de Política Lingüística do Departamento de Cultura da Generalitat de Cataluña destinou 890 000 euros a 116 proxectos e 160 000 euros a premios para fomentar o uso do catalán.
Fonte: Generalitat de Catalunya
O Instituto Navarro do Éuscaro (Euskarabidea) outorgoulle axudas a 1300 persoas adultas para estudaren éuscaro, un 30 % máis que o curso anterior.
Fonte: Navarra
A organización non gobernamental Plataforma pola Lingua (Plataforma per la Llengua) das Illas Baleares terá agora o obxectivo de controlar a visibilidade do catalán en Google.
Fonte: La Vanguardia
O mestre, poeta, escritor e guionista lucense, Lois Pérez, venceu o sexta edición do Premio María Victoria Moreno de Literatura Xuvenil convocado polo Concello de Pontevedra e a editorial Cuarto de Inverno polo seu libro Cartas de Inverno.
Fonte: Cultura Galega
A ministra de Cultura e Gaeltacht da República de Irlanda, Catherine Martin, anunciou a aprobación dun plan dun millón de euros para crear unha rede de apoio en gaélico irlandés que permita que os traballadores do estado poidan incrementar a súa competencia nesta lingua.
Fonte: RIPT
Como cada 18 de decembro, as Nacións Unidas conmemoraron en todo o mundo o Día Internacional da Lingua Árabe, un dos idiomas oficiais deste organismo internacional. O tema deste ano é "O árabe, lingua de poesía e arte".
Fonte: UNESCO
Co obxectivo de crear unha educación máis inclusiva, o Goberno do Reino Unido ofrecerá a materia de lingua de signos como parte do currículo de secundaria.
Fonte: EuroWeekly
Subscríbase ao boletín
