Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Universidade de Brasilia, en colaboración coa Organización de Estados Americanos e o Ministerio dos Dereitos Humanos e da Ciudadanía do Brasil traducirán o Estatuto da Infancia e do Adolescente á lingua indíxena ticuna.
Fonte: Universidade de Brasília
As palabras propostas pola Academia da Lingua Asturiana para converterse en neoloxismo do ano en asturiano son cambéu climáticu, intelixencia artificial, xentrificación, llimpieza étnica e xeollocalización.
Apoiáronse 48 proxectos de 30 empresas ás que se destinaron preto de 300 000 euros por medio dunha liña de axudas que teñen como obxectivo fomentar a incorporación do catalán aos xogos de mesa.
Fonte: Generalitat de Catalunya
Este galardón, que convoca a Asociación Amigos de Otero Pedrayo en colaboración coa Secretaría Xeral de Política Lingüística, está dirixido a alumnado de entre 15 e 23 anos e ten como obxectivo incentivar as habilidades comunicativas orais e unha expresión correcta en lingua galega.
A nova edición da Festa do Apego inclúe na súa programación contos, música, xogos e outras propostas para que nenas e nenos poidan gozar e socializar en galego durante todo o día.
Doce eurodeputadas/os viaxaron a Cataluña como parte dunha delegación para analizar o modelo de inmersión lingüística, para o que se reuniron con diferentes colectivos como representantes de familias e profesorado, asociacións, sociedade civil, membros da xudicatura etc.
Fonte: La Vanguardia
Ao longo do ano 2023, apoiáronse 52 editoriais para a tradución dun total de 153 obras non literarias, 30 máis que en 2022, a través de axudas por un importe que ascende a 464 561,54 euros.
Fonte: Generalitat de Catalunya
A novena edición do LGx15, un proxecto para compartir argumentos e experiencias para influír no futuro do galego, celebrouse en Pontevedra o pasado 28 de outubro. Os vídeos das diferentes charlas desta iniciativa iranse publicando de aquí a final de ano na canle de Youtube da CTNL.
Fonte: Consello da Cultura Galega
O novo programa de radio "Cymru United" nace no País de Gales coa intención de promocionar o uso do galés entre todas as persoas, sobre todo, aquelas que non se senten familiarizadas coa lingua vernácula.
Fonte: Business News Wales
A listaxe de axudas convocadas pola Deputación de Pontevedra inclúe as entidades culturais beneficiarias da provincia para que desenvolvan actividades de promoción do galego durante o ano 2023.
Fonte: Consello da Cultura Galega
Subscríbase ao boletín
