O secretario xeral de Política Lingüística, Valentín García, participou no acto de entrega da terceira edición do certame Novos Poliedros, convocado co gallo do Mes da Ciencia en Galego por Igaciencia -Institución Galega da Ciencia- coa colaboración da Xunta de Galicia para promover entre a mocidade a innovación científica en lingua galega.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de decembro de 2023
11 de decembro de 2023
Un informe do Instituto de Estatística e Estudos Económicos do Gran Ducado de Luxemburgo (Statec) publicou un informe que revela que o luxemburgués é a segunda lingua materna máis falada en Luxemburgo, seguida do luxemburgués.
Fonte: Contacto
11 de decembro de 2023
Os diferentes desencontros entre Francia e Burkina Faso están propiciando que o país africano estea a incentivar a aprobación dun proxecto que avoga pola eliminación do francés como lingua oficial.
Fonte: La Opinión Austral
11 de decembro de 2023
Representantes do Goberno de Australia visitan o País Vasco do 11 ao 15 de decembro para coñecer IZO, o Sistema Oficial de Tradutores para a tradución e a interpretación do éuscaro e ao éuscaro da Administración.
Fonte: Gobierno Vasco
11 de decembro de 2023
O Concello de Almassora enviou preto de 2500 cartas en valenciano para que o alumnado dos centros de ensino poida escribirlles aos Reis Magos e, posteriormente, depositalas nas caixas de correo repartidas pola localidade.
Fonte: El Periódico Mediterráneo
11 de decembro de 2023
A proximidade das festas de Nadal favorece a chegada ao mercado de xogos de mesa en galego. Neste 2023 súmanse á oferta dispoñible Sálvora de Brazolinda Xogo, Galiza no tempo de OzocoGZ e Invisibilizadas da cooperativa Atalaias.
Fonte: Culturagalega
11 de decembro de 2023
O distintivo de galeguización Gal Ego, impulsado pola Universidade de Vigo, foi este ano para a Facultade de Educación e Traballo Social do campus de Ourense. Esta iniciativa ten como obxectivo recoñecer o emprego da lingua galega en facultades e escolas desta institución.
Fonte: Universidade de Vigo
08 de decembro de 2023
O último informe do Comité de Expertos da Carta Europea das Linguas Rexionais e Comunitarias do Consello de Europea alerta que, a pesar dos avances, as autoridades dos diferentes cantóns deben facer máis por promocionar o uso de linguas como o italiano e o romanche na vida pública.
Fonte: Council of Europe
08 de decembro de 2023
Unha iniciativa entre o Museo do Fado de Alfama, Lisboa, e a empresa Access Lab, interpretará fados en lingua de signos para promover o acceso das persoas xordas á cultura.
Fonte: A Mensagem de Lisboa
07 de decembro de 2023
Toda a colección de Esenciais, impulsada pola Universidade de Santiago de Compostela, está dispoñible en liña de xeito gratuíto. Está composta por 55 recursos de apoio didáctico en galego que conteñen a parte máis significativa dunha materia.
Fonte: Consello da Cultura Galega
Boletín
Subscríbase ao boletín
