Un estudo divulgado por unha plataforma de idiomas en liña revelou que o 57 % dos brasileiros recorren á música para mellorar ou aprender linguas.
Fonte: Mega Curioso
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de agosto de 2023
29 de agosto de 2023
Os cursos de aprendizaxe de éuscaro para persoas adultas, que se poderán cursar no Euskaltegi Zubiarte de Huarte, inclúen todos os niveis (A1, A2, B1, B2 e C1) e ofértanse en modalidade presencial e en liña.
Fonte: Gobierno de Navarra
29 de agosto de 2023
O Goberno das Illas Baleares aprobou a eliminación da obriga para o persoal que traballa na sanidade pública de acreditar o coñecemento de catalán, que pasará a considerarse un mérito.
Fonte: El Periódico
29 de agosto de 2023
O presidente angolano, João Lourenço, transferirá o mandato da presidencia rotativa da Comunidade dos Países de Lingua Portuguesa (CPLP) a Carlos Vila Nova, presidente de San Tomé e Príncipe.
Fonte: Prensa Latina
28 de agosto de 2023
O director xeral da TG4, canle de televisión en gaélico irlandés de Irlanda, declarou que a corporación precisa de ter o mesmo financiamento público que outras canles de linguas minorizadas europeas.
Fonte: Irish Central
28 de agosto de 2023
O Concello de Cospeito e a Asociación Recreativa Cultural San Martiño de Pino convocan o VI Certame de Poesía Torre de Caldaloba, ao que poderán concorrer todos os autores e autoras que o desexen sempre que presenten a súa obra en lingua galega.
Fonte: Concello de Cospeito
28 de agosto de 2023
Carlos Callón, autor da obra O libro negro da lingua galega, exerceu de guía por Ferrol dunha ruta que percorreu os lugares máis importantes da represión do galego na cidade.
Fonte: Diario de Ferrol
28 de agosto de 2023
Coa incorporación desta serie, xa son 38 os títulos que Netflix ofrece en lingua catalá, grazas ao convenio entre o Goberno de Cataluña e a Corporación Catalá de Medios Audiovisuais (CCMA).
Fonte: Generalitat de Catalunya
28 de agosto de 2023
Nos últimos anos incrementouse o coñecemento do éuscaro na capital vasca, segundo mostran os datos facilitados polo Concello de Vitoria relativos ao ano 2021. Así, case o 30 % da súa poboación é euscalduna (7,4 puntos máis que en 2011); o 16,3 % entende esta lingua aínda que non a fala; e o 54,8 % é castelanfalante.
Fonte: Noticias de Álava
28 de agosto de 2023
A ministra de Sanidade do País de Gales, Eluned Morgan, anunciou quen serán os integrantes do comité que avaliará o plan do Goberno de Gales para garantir o acceso á saúde en lingua galesa.
Fonte: Caerphilly Observer
Boletín
Subscríbase ao boletín
