Con motivo do Día da Lingua Islandesa, o aeroporto de Reiquiavik, capital de Islandia, decidiu priorizar o uso do islandés na megafonía e sinais informativos. O inglés era a primeira lingua desde 2016.
Fonte: Grapevine
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de novembro de 2023
Ante a baixada irrefreable de falantes das linguas vernáculas de Bután e a inacción do seu goberno, as redes sociais poderían axudar a preservar a importante diversidade lingüística deste pequeno estado do Himalaia.
Fonte: The Wire
23 de novembro de 2023
O Goberno vasco e a Federación de Autoescolas de Euskadi presentaron o material para poder obter os permisos de conducir en éuscaro: A1-A2 de ciclomotor e B de automóbiles.
Fonte: Gobierno Vasco
23 de novembro de 2023
O proxecto «Federazioetako Euskara-Gaitasuna», impulsado pola Asociación de Federacións Deportivas de Biscaia (ASFEDEBI), recibirá da Deputación unha axuda de 15 000 euros para a súa execución en 2023.
Fonte: Bizkaiko Foru Aldundia
23 de novembro de 2023
O conselleiro de Cultura, Educación, FP e Universidades, Román Rodríguez, participou na presentación do volume Poemas de vida, de Pepe Montes, socio fundador de Feiraco e antigo presidente da cooperativa.
Fonte: O Portal da Lingua Galega
23 de novembro de 2023
Trátase da terceira edición da campaña #AsPalabrasDaCiencia, que ten como obxectivo subliñar a idoneidade do galego como lingua para facer ciencia e que se difundirá a través das redes sociais da Deputación da Coruña.
Fonte: Deputación da Coruña
22 de novembro de 2023
Un evento con música, baile, poesía e narración oral conmemora a Semana do Escocés do Úlster na cidade norteirlandesa de Belfast.
Fonte: Belfast City Council
22 de novembro de 2023
A Secretaría de Educación do Goberno de São Paulo mudará o currículo educativo e incrementará as horas destinadas á materia de lingua portuguesa en todas as escolas públicas do estado.
Fonte: São Paulo Governo do Estado
22 de novembro de 2023
A Asociación de Investigadores AgroMar organiza unha nova edición desta iniciativa que ten como obxectivo fomentar o uso do galego como ferramenta para a comunicación científica e visibilizar o traballo do persoal investigador do campus de Lugo.
Fonte: Consello da Cultura Galega
22 de novembro de 2023
Ao longo dos meses de decembro e xaneiro proxectaranse de xeito gratuíto cinco películas no marco do ciclo de cine familiar en valenciano.
Fonte: El Periòdic
Boletín
Subscríbase ao boletín
