Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Rosalía Oculta, de Paula Mayor Art, foi a obra que se impuxo no XVIII Premio Castelao de Banda Deseñada convocado pola Área de Cultura da Deputación da Coruña. Por outra banda, Cristian F. Caruncho venceu na categoría para público infantil e xuvneil con O día de San Martiño.
Fonte: Deputación da Coruña
A revista científica da Euskaltzaindia ou Real Academia da Lingua Vasca terá o seu propio sitio web onde os lectores poderán ter acceso á información dun xeito máis enriquecedor.
Fonte: Noticias de Guipuzkoa
A localidade portuguesa de Vila Nova de Cerveira entregou os Certificados de Portugués como Lingua de Acollemento a 74 migrantes, de 11 nacionalidades diferentes, que están a residir e trabalhar no concello.
Fonte: Diário do Minho
O secretario xeral de Política Lingüística, Valentín García, participou na presentación do “scape room” O circo do silencio, unha actividade dirixida especialmente á mocidade que pasará por 10 concellos galegos dentro da programación do FalaRedes 2023, o programa de dinamización lingüística impulsado pola Xunta.
Fonte: O Portal da Lingua Galega
A Fundación Insua dos Poetas celebra a XV Festa da Palabra do Carballiño que homenaxeará o poeta Arcadio López-Casanova.
Fonte: Cultura Galega
A Real Academia Galega amplía ata o xoves 27 de xullo o prazo para participar no concurso Contádenos o voso Día das Letras 2023. A iniciativa diríxese a todos os centros escolares de educación infantil e primaria e mais ao alumnado con necesidades especiais de apoio educativo.
Fonte: Real Academia Galega
A Secretaría de Política Lingüística da Generalitat de Cataluña amplía o sitio web da campaña Provem-ho en català que busca fomentar o uso da lingua catalá en varios ámbitos de lecer durante o verán.
Fonte: Generalitat de Catalunya
Alcaldes nacionalistas do País Vasco maniféstanse contra a sentenza do Tribunal do Constitucional que prohibe o uso prioritario do éuscaro nas corporacións municipais.
Fonte: El País
Impronta Editorial publicou La guerra del medrosu, novela en asturiano de Gonzalo Barreñada, vencedora da segunda edición do premio Andrés Solar da Oficina de Normalización Lingüística do Concello de Xixón.
Fonte: La Nueva España
O Censo de entidades de fomento da lingua catalá ten agora 321 entidades tras incorporar este ano 31 novos rexistros. A media de adhesións mantense nas 20 entidades máis cada ano.
Fonte: Generalitat de Catalunya
Subscríbase ao boletín
