Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A asociación Axuntar, que traballa a prol da normalización do galego de Asturias, creou os Premios Folgueira co obxectivo de recoñecer publicamente as persoas, institucións ou iniciativas que traballan pola dignificación desta lingua no Principado.
Fonte: Consello da Cultura Galega
O secretario xeral de Política Lingüística, Valentín García, participou na entrega do Premio de Novela Manuel García Barros ao profesor Fernando Castro Paredes pola obra Entomoloxía para misioneiros.
Fonte: O Portal da Lingua Galega
O Museu da Electricidade de Belém, en Lisboa, inaugura a exposición "A Língua Portuguesa em Nós" que aborda o potencial e diversidade da lingua portuguesa.
Fonte: RTP
O primeiro ministro de Romanía, Marcel Ciolacu, informou de que o Goberno de Ucraína recoñecerá a oficialidade do romanés entre a comunidade romanesa que vive no país eslavo.
Fonte: Radio Free Europe
Esta é unha das conclusións dos relatorios presentados na 25.ª edición dos Encontros para a Normalización Lingüística, que este ano estiveron centrados no ámbito socioeconómico.
Fonte: Consello da Cultura Galega
No marco do proxecto Mintzola, impulsado por Euskaltzaindia, varios especialistas presentaron en San Sebastián sete traballos de fin de grao e fin de mestrado, así como un traballo de investigación, todos eles premiados, nos que afondan nas claves da práctica oral en éuscaro.
O grupo de traballo que prepara os exames de Lingua Galega e Literatura da ABAU estableceu que as preguntas sobre a historia do galego se cingan a todo o posterior a 1981, cando se converteu en idioma oficial.
Fonte: Galicia Confidencial
O Goberno vasco e a Federación Guipuscoana de Fútbol organizan, dende 2021, os cursos da UEFA para adestradoras e adestradores en éuscaro. A formación nesta lingua é un dos piares do Plan para a promoción do éuscaro no deporte, no que se considera as persoas que conforman o corpo técnico como figuras de referencia para a mocidade.
Activistas tibetanos alertaron que o goberno chinés prohibiu o ensino da lingua tibetana nas escolas da provincia chinesa de Sichuan. Isto podería pór en risco a supervivencia da lingua en toda a rexión.
Un acto institucional marcou a inauguración da Universidade de Linguas Indíxenas de México (ULIM, polas súas siglas en español) que permitirá recoñecer os dereitos lingüísticos dos pobos orixinarios e das súas comunidades.
Fonte: Gobierno de México
Subscríbase ao boletín
