O Principado elaborou o Manual de llinguaxe alministrativu en llingua asturiana que ten como obxectivo dotar o persoal da Administración dunha ferramenta de normalización léxica e lingüística que inclúe documentos como requirimentos, resolucións, declaracións responsables, anuncios, bases reguladoras, certificacións, licenzas, actas etc.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de xullo de 2023
03 de xullo de 2023
Esta nova liña de axudas para editar audiolibros e libros de lectura fácil en galego enmárcase no Plan de impulso do libro galego e conta cun investimento de 150 000 euros.
Fonte: Faro de Vigo
03 de xullo de 2023
O alumnado do instituto Castro Alobre presentou a oitava edición da súa campaña coa a que buscan impulsar o uso do galego mediante a repartición polas cafeterías de Vilagarcía de Arousa de 36 000 pousavasos con mensaxes nesta lingua.
Fonte: Faro de Vigo
03 de xullo de 2023
A Secretaría Xeral de Política Lingüística e a Dirección Xeral de Ordenación e Innovación Educativa resolveron a convocatoria para a realización de proxectos de innovación educativa en dinamización lingüística na que cinco proxectos recibiron a consideración de excelentes pola que recibirán unha dotación económica de 2000 euros.
03 de xullo de 2023
O presidente de Ucraína, Volodymyr Zelenskyy, quere que o inglés se converta nunha lingua de comunicación internacional no país eslavo e introducirá a obrigatoriedade de dominalo nalgúns cargos oficiais.
Fonte: Euromaidan Press
03 de xullo de 2023
Taiwán celebra a súa diversidade lingüística cos Premios Golden Melody que recoñecen o labor de artistas musicais en diferentes linguas, non só en chinés mandarín, mais tamén en taiwanés, hakka e outras linguas indíxenas.
Fonte: The National News
30 de xuño de 2023
A Biblioteca da Universidade de Yale (EUA) permitirá que estudosos e estudosas poidan ter acceso libre a manuscritos redactados en lingua turca otomá.
Fonte: Yale News
30 de xuño de 2023
O primeiro ministro de Ucraína anunciou que o estado financiará cursos de lingua inglesa para a súa cidadanía co fin de que todas as persoas poidan ser competentes neste idioma no futuro.
Fonte: Yahoo news
30 de xuño de 2023
Un estudo revela que dúas de cada tres escolas públicas de ensino secundario do Reino Unido ofrecen só unha lingua estranxeira. O idioma máis afectado por esta redución é o alemán.
Fonte: The Guardian
30 de xuño de 2023
O Museo do Indio de Boa Vista, no estado brasileiro de Roraima, fixo o prelanzamento da Gramática Pedagóxica da Lingua Wapichana, froito dun traballo de documentación lingüística realizado no ámbito do Proxecto Salvagarda do Patrimonio Lingüístico e Cultural dos Pobos Indíxenas Transfronteirizos.
Boletín
Subscríbase ao boletín
