Un acordo entre o Goberno de Gales e o partido Plaid Cymru permitirá a creación do programa Sinema Cymru co que se pretende dar un importante pulo ao cinema en lingua galesa.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de outubro de 2023
03 de outubro de 2023
A futura ministra de Educación de Kirguizistán, Dogdurkul Kendirbaeva, anunciou que fortalecerá o ensino da lingua kirguiz nas escolas e incrementará o número de centros que teñen este idioma como lingua de instrución.
Fonte: AKIpress
03 de outubro de 2023
Neste novo foro de colaboración estase a traballar nas propostas incluídas no II Plan estratéxico do éuscaro e algunhas empresas van poñer en marcha iniciativas para o fomento desta lingua.
Fonte: Pasaiako Udala
03 de outubro de 2023
Estase a realizar unha valoración das estratexias e as iniciativas levadas a cabo nas últimas décadas de fomento do éuscaro nos principais sectores da comarca para avanzar na normalización lingüística das relacións comerciais no espazo urbano.
Fonte: Lezoko Udala
03 de outubro de 2023
A Coordinadora de Traballadores/as de Normalización da Lingua convoca, coa colaboración da Deputación de Pontevedra, unha nova edición destes galardóns destinados a proxectos de posta en valor e fomento do galego.
Fonte: Premios Mil Primaveras
03 de outubro de 2023
Seara, Discover Galician literature through its texts, é un espazo web que ofrece unha selección de textos galegos na súa versión orixinal acompañados da súa tradución ao inglés.
Fonte: Consello da Cultura Galega
03 de outubro de 2023
O secretario xeral de Política Lingüística, Valentín García, participou na rolda de prensa na que se anunciaron os detalles da Gala aRi[t]mar de música e poesía galego-portuguesas que, coa colaboración da Xunta, reunirá o vindeiro martes 10 de outubro no Auditorio de Galicia os galardoados e galardoadas nesta oitava edición.
02 de outubro de 2023
Con motivo do Día Internacional da Tradución, o Instituto Goethe presentou na cidade de São Paulo un portal de literatura de lingua alemá traducida ao portugués.
Fonte: Publish News
02 de outubro de 2023
A Federación Internacional de Tradutores/as conmemora, como cada 30 de setembro, o Día Internacional da Tradución que tenta honrar este importante labor que realizan profesionais lingüistas en todo o mundo.
Fonte: Adda247
02 de outubro de 2023
Denuncian a falta de avances no uso do asturiano na web da Radiotelevisión do Principado de Asturias
A Radiotelevisión do Principado de Asturias (RTPA) renovou a imaxe da súa páxina web e das redes sociais, un troco que, porén, non implicou unha maior visibilidade do asturiano. Este feito levou a Xunta pola Defensa de la Llingua Asturiana a reclamar un cambio na dirección do ente.
Boletín
Subscríbase ao boletín
