Esta feira, que se desenvolverá entre os días 9 ao 12 de agosto no municipio de Felipe Carrillo Puerto, ten como obxectivo promover e difundir as linguas indíxenas de México.
Fonte: Gobierno de México
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de agosto de 2023
A Fundación BBVA presentou a terceira edición do Diccionario del español actual, que xa está dispoñible en liña e que recolle o léxico documentado en España durante os últimos 73 anos.
Fonte: Fundéu
10 de agosto de 2023
A Xunta destina 350 000 euros á promoción da lingua galega en 68 concellos e agrupacións locais a través dunha convocatoria de subvencións ás entidades locais de Galicia para fomentar a prestación dun servizo lingüístico e promover a planificación e o desenvolvemento de programas de dinamización da lingua galega este 2023.
09 de agosto de 2023
O Festival Intercéltico de Lorient ofrece todos os días cursos de bretón dunha duración de 40 minutos para aprender palabras básicas desta lingua, así como a súa cultura e historia.
Fonte: Ouest-France
09 de agosto de 2023
Un total de 139 ciclos e mestrados de Formación Profesional desenvolverán parte do seu currículo nunha lingua estranxeira no curso 2023/24. A Xunta publicou a resolución definitiva pola que se autoriza un total de 67 ciclos formativos e 6 cursos de especialización plurilingües que comezan a partir de setembro en 26 centros educativos galegos.
09 de agosto de 2023
A UE, a través da súa plataforma EU Academy, ofrece cursos das 29 linguas oficiais, a maioría de niveis básicos, para practicar de xeito fácil e interactivo a través de vídeos que ofrecen situacións de inmersión no idioma seleccionado.
Fonte: Computer Hoy
09 de agosto de 2023
Estas axudas, que teñen asignado un orzamento de 37 600 euros, están destinadas a apoiar actividades que contribúan ao fomento do uso do éuscaro na sociedade.
09 de agosto de 2023
Estas lentes de realidade virtual, desenvolvidas no Hospital Santa Marina de Bilbao, son, polo momento, só un prototipo e imitan situacións reais coas que os profesionais poden mellorar o seu éuscaro.
Fonte: EITB
08 de agosto de 2023
Segundo os datos do Sistema de Información Cultural de 2010, o ayapaneco ou zoque-ayapaneco, unha lingua da familia mixe-zoque, contaba nese ano con só 21 falantes, moitos deles persoas maiores.
Fonte: Central
08 de agosto de 2023
Un total de 12 creadores poderán participar nas residencias literarias na illa de San Simón que vén de convocar a Consellería de Cultura, Educación, FP e Universidades, unha das novas accións incluídas no Plan de impulso ao libro galego.
Fonte: Xunta de Galicia
Boletín
Subscríbase ao boletín
