O secretario xeral de Política Lingüística, Valentín García, participou na Facultade de Química da Universidade de Santiago de Compostela na entrega do XXXI Rally Matemático sen Fronteiras, impulsado pola Institución Galega de Ciencia, Igaciencia, co apoio da Xunta.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de abril de 2023
24 de abril de 2023
Coa intención de conmemorar o falecemento de William Shakespeare, a ONU celebra o Día da Lingua Inglesa. Con esta efeméride a organización pretende ademais promover o multilingüismo e a diversidade cultural en todo o mundo.
Fonte: Free Press Journal
24 de abril de 2023
Co fin de celebrar a diversidade das culturas presentes en todo o mundo, a Organización das Nacións Unidas para a Educación, a Ciencia e a Cultura (UNESCO) escolleu as linguas indíxenas como tema do Día Mundial do Libro e do Dereito de Autor.
Fonte: ONU News
21 de abril de 2023
Representantes do municipio da cidade estadounidense de Worcester, no Estado de Massachusetts, e das escolas públicas da localidade están traballando conxuntamente para poder ofrecer lingua portuguesa no ensino. A comunidade brasileira é a segunda máis importante da cidade e o portugués é o terceiro idioma máis falado en todo o estado.
Fonte: Brazilian Times
21 de abril de 2023
O Goberno de Venezuela conmemorou o 140 aniversario da Academia Venezolana da Lingua, unha instancia correspondente á Academia Española da Lingua que naceu co cometido de velar pola integridade da lingua no país caribeño.
Fonte: La Vanguardia
21 de abril de 2023
Segundo as cifras do informe de 2021 (o último publicado), as queixas relativas á vulneración de dereitos lingüísticos presentadas ante a Valedora do Pobo alcanzaron as 261 e referíronse principalmente a deturpacións da toponimia, a incumprimentos na lei ou á exclusión do galego na Administración.
21 de abril de 2023
A Mesa pola Normalización Lingüística, a Asociación Galega de Produtoras Independentes e o Grupo de Estudos audiovisuais da Universidade de Santiago denunciaron as dificultades que supón para a normalización do galego a nova lei española do audiovisual.
21 de abril de 2023
Estas novas actividades, organizadas ao abeiro da iniciativa «La llengua camina», ten como obxectivo promover o uso do catalán a través de excursións por diferentes lugares do arquipélago ao longo dos meses de abril e maio.
Fonte: Diario Día
21 de abril de 2023
Máis de 200 colectivos esixiron a oficialidade do éuscaro en toda Navarra ás portas do Parlamento da Comunidade Foral, unha iniciativa impulsada desde Kontseilua.
Fonte: Noticias de Navarra
21 de abril de 2023
Un estudo sobre 2400 linguas publicado na revista Science Advances revelou que a metade da diversidade lingüística que existe no planeta podería estar en risco de desaparecer.
Fonte: The Conversation
Boletín
Subscríbase ao boletín
