O ministro de Educación de Francia, Pap Ndiaye, autorizou que o alumnado de secundaria poida examinarse en éuscaro na materia de ciencias nas probas que dan acceso ao título de etapa.
Fonte: Mediabask
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de abril de 2023
19 de abril de 2023
A compañía aérea Air Canada foi acusada de non cumprir as leis do bilingüismo do Canadá tras ofrecer un servizo non adecuado en francés durante un voo.
Fonte: Business Traveler
18 de abril de 2023
O Departamento de Educación subvenciona actividades extraescolares culturais desenvolvidas integramente en éuscaro, como teatro, canto, poesía, e actividades abertas á cidadanía en xeral, para motivar o alumnado mediante a súa implicación na produción cultural nesta lingua.
Fonte: Navarra.es
18 de abril de 2023
A iniciativa Metges pel Català é un punto de encontro entre facultativos e estudantes de medicina, que xurdiu a través dun grupo de Telegram de máis de 2000 membros que defenden o dereito dos pacientes a expresarse e ser atendidos en catalán. Os impulsores do movemento manifestan que existe un descoñecemento dos dereitos destes pacientes pola parte dos profesionais sanitarios e pola dos propios usuarios.
Fonte: El Periódico
18 de abril de 2023
O Tribunal Centroamericano de Xustiza propuxo ao Consello de Seguranza das Nacións Unidas que o portugués sexa recoñecido como lingua oficial da organización, ao igual que o inglés, o español, o francés, o chinés, o ruso e o árabe.
Fonte: Balai
18 de abril de 2023
A estación ferroviaria da cidade de Leeds, no Reino Unido, introduciu un servizo de tradución en lingua de signos británica. A información aparecerá proxectada en pantallas dixitais.
Fonte: BBC
17 de abril de 2023
A Autoridade do Parque Nacional de Snowdonia aprobou hai cinco meses que a partir de agora ía promocionar o uso da forma galesa do topónimo do pico máis alto de Gales, 'Yr Wydffa', no canto de 'Snowdon'. Porén, desde entón hai pouco interese por parte dos visitantes a empregalo e moitos mesmo mostran un rexeitamento rotundo.
Fonte: Daily Post
17 de abril de 2023
Por primeira vez, a convocatoria de axudas á produción editorial e fonográfica en lingua catalá do Consell de Mallorca subvenciona xogos de mesa cunha produción gráfica en soporte de papel, cartolina, cartón, plástico ou similar, cuxa temática estea relacionada cun elemento histórico, cultural ou tradicional da illa e cuxo texto estea exclusivamente en catalán.
Fonte: Última Hora
17 de abril de 2023
Oviedo acolle a manifestación que organiza a Xunta pola Defensa da Lingua Asturiana (XDLA) hai máis de tres décadas e que se celebrará no Día das Letras Asturianas (6 de maio).
Fonte: La Vanguardia
17 de abril de 2023
Estes guións que a RAG difunde na rede recollen as colaboracións de Francisco Fernández del Riego no Galician Programme, un espazo dedicado á cultura galega que emitiu a BBC entre 1947 e 1956.
Fonte: Galicia Confidencial
Boletín
Subscríbase ao boletín
