A Biblioteca Nacional de Colombia xa conta co seu primeiro arquivo sonoro de linguas indíxenas da Amazonia. O arquivo é de consulta libre e busca preservar a ampla riqueza lingüística da Amazonia colombiana.
Fonte: El País
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de abril de 2023
Este estudo sociolingüístico ten como obxectivo coñecer a realidade social da lingua aragonesa e analizar a súa evolución tendo en conta investigacións anteriores. O traballo de campo, que consistirá na realización de enquisas por todo o territorio, comezará a realizarse no mes de abril.
Fonte: Heraldo
04 de abril de 2023
O barómetro presenta tres indicadores de usos: para o ámbito persoal, para o ámbito profesional e para o ámbito público. Entre as conclusións máis salientables figura o incremento do uso do valenciano para dirixirse ás diferentes Administracións ou para realizar unha consulta médica. Respecto ao ámbito persoal, o emprego desta lingua tamén se incrementa, mentres que no traballo sobe o seu uso entre compañeiras/os, pero descende con usuarios, clientes ou provedores.
04 de abril de 2023
A Dirección Xeral de Política Lingüística destina unha partida de 325 000 euros a axudas para a promoción do uso do catalán, o que supón un aumento do 45 % respecto á convocatoria do ano 2022. Estas axudas están dirixidas a concellos, persoas físicas e entidades sen ánimo de lucro que realicen actividades de fomento desta lingua.
04 de abril de 2023
A cuarta edición dos Premios Mil Primaveras a proxectos de posta en valor e fomento do galego recoñeceu o labor destes catro programas: Asociación Faladoiros Vigo, Caranvexo TV, Laboratorio de Apoderamento Lingüístico e Na Utopía.
Fonte: Premios Mil Primaveras
04 de abril de 2023
A Confederación Intersindical Galega (CIG) denunciou que Energy reduciu o horario da liña de atención telefónica en galego, o que, segundo este sindicato, evidencia unha falta de compromiso coa sociedade galega.
Fonte: Nós Diario
04 de abril de 2023
Unha nova lei da Asemblea de Gales quere garantir que todo o alumnado escolarizado sexa plenamente competente en lingua galesa antes de rematar os seus estudos.
Fonte: BBC
04 de abril de 2023
O deputado Fabio Rampelli presentou na Cámara dos Deputados italiana unha proposta de lei que prohibirá o uso de palabras estranxeiras na Administración pública. O incumprimento da norma pode levar a multas de 100 000 euros.
04 de abril de 2023
O Instituto Confucio abriu as inscricións para a nova edición dos cursos de lingua chinesa para persoas adultas e crianzas que se impartirán na Universidade do Porto.
Fonte: Universidade do Porto
03 de abril de 2023
O Tribunal Superior de Xustiza do País Vasco determinou que non se lle pode esixir a unha empresa de transporte escolar que o seu persoal cumpra os mesmos requisitos lingüísticos que o funcionariado, aínda que estea a prestar un servizo á Administración pública.
Fonte: Deia
Boletín
Subscríbase ao boletín
