Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A exposición Luz na terra. O Seminario de Estudos Galegos, unha institución de alta cultura, comisariada polo historiador Ramón Villares, abriu as súas portas na Cidade da Cultura de Galicia. A mostra aborda o nacemento e traballo do seminario desde a súa fundación en 1923.
Fonte: Cultura Galega
O nivel de competencia en lingua albanesa entre a xente nova diminíu de acordo cos resultados das probas de maturidade realizadas en todo o país balcánico. A razón desta diminución podería estar no uso excesivo do inglés nas redes sociais.
Fonte: Euroactiv
A vixésimo primeira edición do Festigal, evento cultural organizado co gallo do Día da Patria Galega, contará no día 24 de xullo cunha gran noite de música en galego.
Fonte: Cultura Galega
Nos últimos catro anos, duplicáronse as obras traducidas ao asturiano e ao galego de Asturias. Do 2019 ao 2022 publicáronse un todal de 58 traducións fronte ás 31 dos catro anos anteriores.
Fonte: RTPA
O presidente de Malawi, Lazarus Chakwera, anunciou que o Ministerio de Educación decretará a introdución do suahili no currículo das escolas.
Fonte: VOA News
Un acordo entre as forzas con representación no parlamento permitirá que unha fundación administre publicamente o Panteón de Galegos Ilustres, actualmente en propiedade arcebispal.
Fonte: Cultura Galega
O Tribunal Constitucional non admite que os concellos vascos dean maior prioridade ao éuscaro na xestión administrativa.
Fonte: El Diario Vasco
O programa de parellas lingüísticas “Voluntariat per la Llengua” da Generalitat de Cataluña, xestionado polo Consorcio pola Normalización Lingüística, conmemora vinte anos de existencia.
Fonte: Generalitat de Catalunya
O proxecto de tradución automática neuronal para as linguas románicas da península ibérica (TAN-IBE), no que traballan varias universidades, pretende aproveitar a intelixencia artificial para desenvolver mecanismos de tradución a linguas con menos recursos como o aragonés, aranés e asturiano, por exemplo.
Fonte: Galicia Confidencial
O Laboratorio de Linguas da Universidade Estatal de Londrina, no estado brasileiro do Paraná, abriu o prazo de matrícula para cursos de 8 linguas: alemán, lectura instrumental en alemán, español, francés, inglés, lectura instrumental en inglés, inglés para crianzas, italiano, latín, mandarín e portugués para falantes doutras linguas.
Fonte: O Perobal
Subscríbase ao boletín
