Un grupo de londinienses presentou unha petición formal para que o dialecto local cockney sexa considerado idioma oficial.
Fonte: Evening Standard
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de marzo de 2023
16 de marzo de 2023
Uns 13 000 cidadáns rusos que residen en Letonia expóñense á perda do seu permiso de residencia se non acceden a facer un exame de proficiencia de lingua letoa.
Fonte: ERR
16 de marzo de 2023
Estes cursos de formación en lingua catalá para o persoal sanitario que forme parte do Instituto Catalán da Saúde (ICS), que terán carácter gratuíto, permitirán que poidan obter un certificado de acreditación oficial.
Fonte: 20minutos
16 de marzo de 2023
O Pleno da Academia Aragonesa da Lingua aprobou por unanimidade o primeiro acordo relativo á normativa de uso oficial do catalán de Aragón, que agora se publica no Boletín Oficial de Aragón.
Fonte: La Litera Información
16 de marzo de 2023
Fernando Cabeza Quiles é o autor de Toponimia de Ribeira, dispoñible xa na versión en liña na web da RAG. Neste volume aborda a orixe e o significado dos nomes das entidades de poboación deste concello coruñés.
Fonte: Real Academia Galega
16 de marzo de 2023
Segundo o Goberno de Cataluña, das 100 medidas aprobadas o pasado mes de novembro para impulsar o catalán, 51 xa están en marcha e destas, 44 están en fase avanzada de execución.
Fonte: La Vanguardia
15 de marzo de 2023
Un grupo de activistas e expertos independentes alertan que as linguas das minorías étnicas que viven en Rusia están desaparecendo a un ritmo moi superior ao informado nos datos oficiais.
Fonte: The Moscow Times
15 de marzo de 2023
O Goberno de Cataluña presentou a campaña de fomento do uso do catalán «Provem-ho en català. Molt per parlar, molt per viure» na que recupera a figura de Queta, empregada nunha campaña de 2005.
Fonte: El Periódico
15 de marzo de 2023
Egungo Euskararen Hiztegia, finalizado tras quince anos de traballo, inclúe 70 751 entradas, 251 153 acepcións, 529 227 exemplos e 663 172 conxuntos de palabras. Trátase do dicionario de éuscaro máis detallado na actualidade e pode consultarse na páxina web da Universidade do País Vasco.
15 de marzo de 2023
A Deputación de Pontevedra convoca cursos de perfil lingüístico para persoal da Administración local
Ao abeiro do Plan agrupado de formación continua para o ano 2023, organiza os seguintes cursos destinados ao persoal ao servizo da Deputación de Pontevedra, así como ao persoal dos concellos da provincia adheridos a este plan: "Linguaxe administrativa galega. Nivel medio", "Curso de linguaxe clara", "A dinamización lingüística na Administración local" e "Linguaxe e estilo administrativo. Técnicas para mellorar a redacción".
Boletín
Subscríbase ao boletín
