O 9 de marzo de 2023, co gallo do Día do Galego no Bierzo, celébranse as XV Xornadas Martín Sarmiento que inclúen os intercambios entre os centros educativos bercianos que participan no programa de galego, a entrega do III Premio Antonio Fernández Morales ou a presentación do web ogalegonobierzo.org.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de marzo de 2023
09 de marzo de 2023
A Dirección Xeral de Política Lingüística do Goberno balear impulsa conferencias e obradoiros sobre asertividade lingüística nas catro illas, co obxectivo de facer que a poboación reflexione sobre os seus hábitos lingüísticos e animala a usar máis o catalán.
Fonte: Diario de Ibiza
09 de marzo de 2023
A última edición do Barómetro das Linguas do Mundo sitúa o galego no posto 37 entre os 634 idiomas con máis peso. Isto supón un ascenso de trece posicións con respecto ao anterior informe do 2017, cando ocupaba o lugar 50.
08 de marzo de 2023
O ministro de estado das Gaeltacht de Irlanda, Patrick O'Donovan, anunciou a aprobación de axudas de 900 mil euros para a publicidade en gaélico irlandés e para a promoción do escocés do Úlster.
Fonte: Gov.ie
08 de marzo de 2023
O Consello Nacional de Mulleres de Irlanda demanda que se celebre un referendo na República de Irlanda para poder suprimir a linguaxe sexista da Constitución irlandesa.
Fonte: Independent.ie
08 de marzo de 2023
O festival Carballo Interplay, que se desenvolverá entre o 29 de marzo e o 1 de abril, chega á súa décima edición na que, un ano máis, se reivindicará a creación de contidos dixitais en galego, tanto nas redes sociais como no campo audiovisual ou no podcast.
08 de marzo de 2023
A Xunta pola Defensa de la Llingua Asturiana (XDLA) denunciou a falta de sensibilidade que a Demarcación de Estradas do Estado en Asturias mostra coa toponimia tradicional en asturiano.
Fonte: Asturias Hoy
08 de marzo de 2023
O Consorcio para a Normalización Lingüística (CPNL) de Xirona puxo en marcha a campaña «21 dies», unha iniciativa que consiste en falar de entrada en catalán con todo o mundo durante 21 días. O obxectivo é facer reflexionar os catalanfalantes sobre o cambio de lingua cando alguén lles fala en castelán.
07 de marzo de 2023
Ante unha situación de falta de persoal, Dinamarca simplificará os requisitos lingüísticos para os profesionais da enfermaría de fóra da UE que queiran traballar no país nórdico.
Fonte: RFI
07 de marzo de 2023
O Tribunal Constitucional do Perú anulou a condena a un falante de quechua que presentara un recurso pola falta de interpretación nesta lingua no xuízo xa que este feito impediu o seu dereito a defensa.
Fonte: Diario Constitucional
Boletín
Subscríbase ao boletín
