Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Valentín García, participou na presentación do volume Pensar é escuro. Poesía reunida (1991-2004), editado por Armando Requeixo desde o Centro Ramón Piñeiro para a Investigación en Humanidades e publicado por Galaxia co gallo do 19º cabodano da poeta Luísa Villalta.
A Xunta de Galicia publica no Diario Oficial de Galicia (DOG) a convocatoria para inscribirse nas probas que permiten obter os certificados acreditativos dos niveis de lingua galega Celga 1, 2, 3 e 4. O prazo para presentar as solicitudes, así como o de pagamento da taxa correspondente aos dereitos de exame, comeza o martes 7 de marzo e remata o día 27 do mesmo mes.
Trátase da obra El proceso histórico de escolarización de la lengua asturiana: dimensiones políticas y sociales, do doutor Marcos Rodríguez, que recolle a súa tese de doutoramento e realiza unha análise cronolóxica do proceso histórico de escolarización desta lingua no seu contexto sociocultural.
Fonte: La Vanguardia
O importe da convocatoria para o fomento do uso da lingua catalá é de 345 000 euros e outorgarase un máximo de 6000 euros por entidade ou empresa para accións realizadas entre o 1 de maio de 2022 e o 30 de abril de 2023. Así, o Consell cumprirá o seu obxectivo de garantir o dereito de todos os consumidores a recibir información en xeral, documentos relacionados coas entidades e documentación do ámbito comercial nesta lingua e facer que vivan nun ambiente que os incite a empregala con normalidade.
Co gallo da celebración do Día Mundial da Audición, a Confederación Estatal de Persoas Xordas (CNSE) reclama a incorporación da lingua de signos a políticas, programas e servizos encamiñados ao coidado auditivo e alerta do risco de privación lingüística que afecta a este colectivo.
O Goberno de Navarra destinará unha partida de 1 071 000 euros a impulsar o uso do éuscaro na prensa escrita, nas emisoras de radio e nos medios de comunicación en liña.
Fonte: Gobierno de Navarra
O Concello de Ponteareas convoca unha nova edición deste galardón que ten como obxectivo fomentar o emprego do galego na actividade económica da vila, así como nas relacións laborais, comerciais e empresariais, e recoñecer publicamente a contribución realizada por este sector ao incremento do seu uso.
O Instituto Nacional dos Pobos Indíxenas creará a Universidade das Linguas Indíxenas de México, unha escola que ten como obxectivo recuperar e fomentar o uso das linguas nacionais.
Fonte: Pie de Página
Co fin de mellorar a atención ás persoas que falan maia, o Congreso do Estado do Iucatán impartirá de xeito permanente un curso deste idioma vernáculo para todo o seu funcionariado. Con esta medida, o estado mexicano senta un precedente en todo o país en materia lingüística.
Fonte: The Yucatan Times
O Goberno do Reino Unido aprobou un programa para potenciar o ensino e a aprendizaxe das linguas estranxeiras nas escolas primarias e secundarias. Parte deste programa destinarase á promoción da aprendizaxe da lingua alemá.
Fonte: GOV.UK
Subscríbase ao boletín
