O primeiro ministro de Iraq, Shia al-Sudani, anunciou que o turcomán seguirá sendo lingua oficial da gobernación de Kirkuk, xunto ao árabe e ao kurdo.
Fonte: TRT World
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de marzo de 2023
Xa se pode ler o clásico de William Shakespeare traducido ao asturiano por Víctor Suárez e publicado pola editorial Cuatro Gotes. Con esta versión, son tres as obras do autor traducidas á lingua asturiana.
Fonte: La Nueva España
03 de marzo de 2023
Unha das conclusións que pode extraerse do Barómetro de Hábitos de Lectura e Compra de Libros en España 2022 é que este hábito da lectura aumenta, pero non en galego. A lectura en castelán representa a elección do 96 % da poboación enquisada en Galicia, fronte a un 3,4 % que prefire ler en galego.
Fonte: Culturagalega.org
03 de marzo de 2023
Os obradoiros de acollemento lingüístico “En galego, co teu acento!” teñen como obxectivo aproximar a poboación local á lingua e á cultura galegas, así como favorecer a integración das persoas procedentes de fóra de Galicia.
Fonte: Concello de Ames
03 de marzo de 2023
Este galardón, que chega á súa 14.ª edición, recoñece iniciativas, traballos recentes, traxectorias de persoas, colectivos ou entidades comprometidas coa promoción e a dignificación social do patrimonio lingüístico galego.
Fonte: Deputación da Coruña
03 de marzo de 2023
O Parlamento de Cabo Verde, a través da Comisión Especializada de Educación, Cultura, Saúde, Xuventude, Deporte e Asuntos Sociais, non aceptou a proposta dunha deputada que quería que o portugués fose considerado patrimonio inmaterial nacional.
Fonte: SAPO
02 de marzo de 2023
O Parlamento da República Moldova aprobou unha lei que recoñece que a lingua moldova pode considerarse idéntica ao idioma romanés.
Fonte: TVP World
02 de marzo de 2023
Trátase da oferta de 34 prazas para a Fundación Uliazpi, un organismo autónomo da Deputación Foral de Guipúscoa que presta servizos a persoas con discapacidade intelectual e ás súas familias. Segundo o TSXPV, a esixencia do éuscaro solicitada pola fundación para o 94 % das prazas é excesiva, cando a lei de normalización do éuscaro prevé o 65,5 %, e considera que o dereito de calquera cidadán ou cidadá ao emprego público é o máis importante.
02 de marzo de 2023
Arredor de 3000 nenos e nenas de infantil e primaria no municipio de Ames participan nun proxecto de inmersión lingüística que comezou coa sinatura do Acordo de compromiso lingüístico co que aceptan empregar o galego durante todo o día.
Fonte: Concello de Ames
02 de marzo de 2023
O secretario xeral de Política Lingüística, Valentín García, e o reitor da Universidade de Santiago de Compostela (USC), Antonio López, participaron no acto de entrega dos XVIII Premios á Calidade Lingüística, uns galardóns promovidos pola USC co apoio da Consellería de Cultura, Educación, FP e Universidades co fin de impulsar o uso da lingua galega ligado á calidade formal na elaboración e na defensa oral dos traballos desenvolvidos polo alumnado da universidade compostelá.
Boletín
Subscríbase ao boletín
