O secretario xeral da Lingua, Valentín García, participou na presentación do libro Manuel Curros Enríquez. Cartas a José Ojea (1904-1908), no que se recollen 30 misivas manuscritas que o escritor de Celanova dirixiu ao seu amigo José Ojea e que supón, destacou, “a oportunidade de achegarnos a ao autor desde outra perspectiva, redescubrindo outros aspectos da súa personalidade, das súas vivencias e do seu contexto”.

Un documental mostra a situación do jèrriais, a lingua tradicional da illa de Jersey, e os esforzos para a súa recuperación. Recolle testemuños dos últimos falantes nativos e destaca que o número de persoas que o falan está a diminuír rapidamente. Tamén lembra que no pasado o seu uso foi desanimado e mesmo castigado nas escolas. 

Fonte: BBC

Xirona é a primeira cidade catalá en elaborar unha enquisa propia sobre usos lingüísticos cos estándares da Enquisa de Usos Lingüísticos da Poboación (EULP), que sitúa no 60,7 % a poboación que emprega habitualmente o catalán, só ou combinado con outras linguas. O estudo amosa unha presenza destacada da lingua en ámbitos como o traballo, o comercio, a restauración ou a atención médica, aínda que só unha de cada catro persoas mantén o catalán cando recibe resposta en castelán.