A Generalitat de Catalunya e o Conselh Generau d’Aran celebraron unha reunión da Comisión Bilateral na que acordaron aumentar as transferencias para o fomento e a protección do occitano e estudar conxuntamente as necesidades desta lingua.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de xaneiro de 2023
A Deputación de Pontevedra e o Instituto Galego de Análise e Documentación Internacional (Igadi) organizaron un acto en Tomiño para celebrar as conexións culturais da Lusofonía e Galicia, sobre todo, no territorio transfronteirizo do Miño.
Fonte: Deputación de Pontevedra
23 de xaneiro de 2023
O Goberno galego segue traballando no cumprimento da Lei 1/2014, do 24 de marzo, para o aproveitamento da lingua portuguesa e vínculos coa lusofonía, coñecida comunmente como Lei Paz Andrade.
Fonte: O Portal da Lingua Galega
20 de xaneiro de 2023
Os guatós, unha etnia secular da rexión do Pantanal, no Brasil, tenta salvar a súa lingua da extinción. Aínda que só existe unha persoa que a fala con fluidez, a lingua guató agora forma parte do currículo da escola local.
Fonte: Terra
20 de xaneiro de 2023
O parlamento de Corea do Norte aprobou unha nova lei para protexer o idioma do país de influencias estranxeiras ante a popularización entre a mocidade do país de expresións procedentes de medios de comunicación estadounidenses e surcoreanos.
Fonte: Página 12
20 de xaneiro de 2023
Google anunciou que acaba de expandir a funcionalidade de tradución sen conexión a 33 novas linguas, entre elas, o éuscaro, co obxectivo de poder traducir textos sen necesidade de conectarse a internet.
20 de xaneiro de 2023
Esta iniciativa ten como obxectivo fomentar a aprendizaxe do éuscaro a través dunha axuda que recibirá cada solicitante e que dependerá dos seus ingresos anuais.
20 de xaneiro de 2023
O Club de Debate é un proxecto colaborativo impulsado por varios concellos galegos co obxectivo de contribuír á dinamización lingüística e cultural no ámbito educativo, á fluidez comunicativa en galego, ao pensamento crítico e ao respecto pola diversidade de opinións.
20 de xaneiro de 2023
As longametraxes Matria, de Álvaro Gago, e Sica, de Carla Subirana, estrearanse no mes de febreiro na Berlinale, o Festival Internacional de Cine de Berlín. Ambos os dous filmes rodáronse en galego, co mar como escenario e con mulleres como protagonistas.
Fonte: El Diario
20 de xaneiro de 2023
A Xunta de Galicia acaba de convocar o programa de proxectos de innovación educativa en dinamización lingüística para centros educativos no curso 2022/2023. O obxectivo desta iniciativa é animar o profesorado a desenvolver accións que revertan positivamente na dinámica lingüística habitual do centro escolar e xeren melloras permanentes na práctica docente e na realidade do ensino.
Boletín
Subscríbase ao boletín
