O escritor angolano Ondjaki foi o vencedor do premio literario Vergílio Ferreira 2023 da Universidade de Évora grazas á súa contribución para que o portugués sexa lingua de reconciliación para todos os seus falantes.
Fonte: O Minho
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de xaneiro de 2023
A Dirección Municipal de Cultura de Lisboa escollerá un autor ou autora de lingua portuguesa para realizar unha residencia literaria en Maputo, capital de Mozambique, dentro dun programa de intercambio literario promovido pola Cámara Municipal de Lisboa, o Camões e o Centro Cultural Portugués de Maputo.
Fonte: Sapo
19 de xaneiro de 2023
No marco dunhas xornadas en San Millán de la Cogolla, a directora de Cultura do Instituto Cervantes explicou que a entidade está a traballar para que se identifique o español como idioma de ciencia.
Fonte: La Vanguardia
19 de xaneiro de 2023
Distribuiranse uns 11 000 agasallos (unha bolsa que inclúe unha carta en doce linguas, dous triángulos para o coche e un disco con arrolos en catalán) en todas as maternidades co obxectivo de poñer en valor a diversidade lingüística e facilitar o coñecemento do catalán entre as xeracións futuras.
19 de xaneiro de 2023
Lámbrica Producciones están desenvolvendo Heliotropo, unha curtametraxe de ciencia ficción en galego que se atopa en fase de posprodución. Para poder finalizala lanzaron unha campaña de crowdfunding coa que pretenden recadar 2500 €.
Fonte: Xornal
19 de xaneiro de 2023
O secretario xeral de Política Lingüística, Valentín García, participou na dobre presentación do libro Xesús Mato, 90 anos... e 50 do seu Fuxan os Ventos, unha homenaxe ao crego e musicólogo fillo predilecto do concello de Paradela.
18 de xaneiro de 2023
Un estudo revela que a maioría dos caboverdianos queren o crioulo como lingua oficial do arquipélago
O estudo Afrobarometro revelou que na actualidade a maior parte da cidadanía caboverdiana apoia o recoñecemento do crioulo caboverdiano como lingua oficial a par do portugués.
Fonte: Notícias ao Minuto
18 de xaneiro de 2023
En Sapwuahfik, un pequeno atol do Pacífico situado na rexión da Micronesia, os homes falan un curioso idioma, o ngatikese crioulo que naceu como unha fusión entre o inglés e o dialecto ngatikese, unha variedade do pohnpeiano.
Fonte: ACV
18 de xaneiro de 2023
Xa está aberto o prazo para participar nos tres premios literarios que convoca o Concello da Estrada: o de poesía Avelina Valladares, o de novela Manuel García Barros e o de álbum ilustrado Alberte Quiñoi.
Fonte: Faro de Vigo
18 de xaneiro de 2023
Esta carta de servizos avalía as prestacións do Gabinete de Normalización Lingüística que, entre outros labores, se ocupa de ofrecer asesoramento lingüístico, formación e promoción do valenciano, así como de informar sobre as actividades relacionadas co uso e o coñecemento desta lingua.
Boletín
Subscríbase ao boletín
