Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Boletín Oficial da Provincia publicou as bases reguladoras da convocatoria de axudas, á que a Deputación da Coruña destinará 550 000 euros, dirixida aos concellos, agrupacións de municipios, mancomunidades e outras entidades locais da provincia para a creación, mantemento e reforzo dos servizos de normalización lingüística.
Fonte: La Opinión
O Dicionario da Real Academia Galega incorporou o ano pasado preto de 400 cambios entre novas entradas, novas acepcións en lemas xa rexistrados e modificacións na redacción das definicións.
Fonte: Real Academia Galega
Un concelleiro da cidade escocesa de Edimburgo pediu que as liñas de tranvía que se empregan na cidade inclúan o nome das paradas en gaélico escocés.
Fonte: Edinburghlive
O proxecto «Cruzando fronteiras lingüísticas: na procura da capacidade lingüística humana en África Occidental e América Central» ten como obxectivo mellorar a comprensión dos aspectos estruturais, sociais, culturais e cognitivos da comunicación multilingüe en Benín e Belice.
Segundo os datos do Instituto Nacional de Estatística, máis de 50 000 persoas no arquipélago balear non emprega nin o catalán nin o castelán parar relacionarse. Tras as dúas linguas oficiais sitúanse o inglés, o árabe, o alemán ou o italiano.
Fonte: Última Hora
O Instituto da Lingua Galega publicou unha nova web que recolle os materiais galegos do Atlas Lingüístico da Península Ibérica (ALPI), que inclúe mapas, imaxes ou fotografías, entre outros.
Fonte: Consello da Cultura Galega
O secretario de Estado da Cooperación de Portugal, Francisco André, defendeu o compromiso de todos os estados da comunidade lusófona nos proxectos do Instituto Internacional da Lingua Portuguesa (IILP) para a promoción e internacionalización do portugués.
Fonte: Notícias ao Minuto
A editorial Ara Llibres abriu a convocatoria dun novo premio literario para obras de non ficción en catalán, co gallo da celebración do vixésimo aniversario do seu nacemento. O obxectivo é xerar contidos sólidos e de calidade literaria que se convertan en referentes do xénero e cheguen a un público numeroso.
Fonte: Publishnews
O estudo do INE, realizado en 2021, inclúe unha listaxe das linguas que fala máis do 1 % da poboación dos municipios españois con máis de 50 000 habitantes e o resultado é que en 28 se supera o 1 % de persoas que saben falar galego. Ponferrada é a cidade de maior porcentaxe e Madrid a de maior número.
A última medición realizouse en 2021 e mostra que o uso do éuscaro en Errenteria é do 10,9 %; do español, 86,4 %; do francés, 0,1 %; e doutros idiomas, 2,7 %. Segundo estes datos, a situación é moi semellante á de 2011.
Fonte: Herri Bizia
Subscríbase ao boletín
