Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
As palabras trans e cis xa figuran na versión en liña do dicionario da RAG despois das múltiples reclamacións de varias organizacións para que se incorporasen estes termos para axudar a popularizalos e estender o coñecemento sobre eles.
Fonte: Nós Diario
O novo currículo do sistema educativo irlandés incluirá cambios importantes e permitirá destinar máis horas ás linguas estranxeiras no ensino primario en detrimento da materia de relixión.
Fonte: The Irish Times
A campaña Totjoc, á que se adheriron 17 establecementos, pon a disposición da poboación unha páxina web con máis de 1000 xogos en catalán, acompañados dunha información detallada das súas características.
Fonte: CPNL
Trátase da novena edición do certame ‘Descubrindo Oleiros’, un premio co que o Concello busca fomentar a lingua galega e dar a coñecer diferentes lugares do municipio.
Fonte: El Ideal Gallego
Segundo os datos do INE, a poboación que fala correctamente asturiano non alcanza o 3 %, unha porcentaxe menor que a que afirma falar ben en inglés (13,5 %) ou en francés (3,3 %).
Fonte: Cadena SER
A lingua romanche perde dous cantóns en Suíza que pasan a formar parte do territorio de fala alemá. A pesar deste cambio, o número de falantes desta lingua oficial suíza mantense estable.
Fonte: Swissinfo
Varios grupos parlamentarios rexistraron unha proposición de lei foral no Parlamento de Navarra pedindo a modificación da lei do éuscaro para permitir que Mañeru se incorpore á zona mixta, tal e como solicitou este municipio.
Fonte: Navarra.com
Ambas as institucións asinaron un convenio para a colaboración conxunta en actuacións destinadas á promoción do valenciano, co gallo do 90 aniversario das Normes de Castelló.
Fonte: Actualitat Valenciana
A palabra birra foi escollida, co 32,6 % dos votos, como neoloxismo do ano 2022 tras unha votación impulsada polo Instituto de Estudos Cataláns e a Universidade Pompeu Fabra, na que quedou en segundo lugar salut mental, co 19,6 %.
Fonte: Última Hora
A Xunta de Galicia publicou dúas convocatorias de axudas para a presentación de proxectos de fomento do uso do galego no ámbito do ensino non universitario durante o curso 2022/2023, unha dirixida a centros de titularidade pública e outra a centros de titularidade privada.
Fonte: Consello da Cultura Galega
Subscríbase ao boletín
