A sesión de traballo serviu para acordar a coordinación das políticas de dobraxe e subtitulación ao catalán e a creación dun grupo de traballo para mellorar o sistema de homologacións de títulos de catalán procedentes do ensino regrado, así como analizar a situación desta lingua no mundo dixital, entre outros temas.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de decembro de 2022
23 de decembro de 2022
Boadicea é unha nova editorial, fundada por Alba Rozas, José Manuel Dopazo e Marcos López, que nace co obxectivo de consolidar unha produción de obras en galego centradas na fantasía, a ciencia ficción e o medo.
Fonte: Culturagalega.org
22 de decembro de 2022
O Instituto Nacional de Estatística (INE) presentou novos datos demolingüísticos sobre o coñecemento e uso das linguas. No que respecta a Galicia, o máis salientable é que por primeira vez móstrase que o castelán xa é a lingua de uso maioritario nesta comunidade.
Fonte: Consello da Cultura Galega
22 de decembro de 2022
A plataforma impulsora da campaña «La justícia, també en català» envioulle unha carta ao Tribunal Superior de Xustiza de Baleares para solicitarlle ao Consello Xeral do Poder Xudicial que promova medidas que permitan avanzar no uso do catalán no ámbito xudicial.
Fonte: Diario de Mallorca
22 de decembro de 2022
O secretario xeral de Política Lingüística, Valentín García, participou na presentación do volume 100 anos do Día de Galicia, da historiadora Gemma Rodríguez Alonso.
Fonte: O Portal da Lingua Galega
21 de decembro de 2022
A longametraxe An Cailín Ciúin, gravada en gaélico irlandés, entra na lista de filmes seleccionados para os premios Óscar de Hollywood.
Fonte: Breaking News
21 de decembro de 2022
A partir do próximo semestre, a Universidade Nacional de Comahue impartirá a diplomatura Kimeltuwe co fin de formar persoas en lingua e cultura mapuches.
Fonte: Río Negro
21 de decembro de 2022
A través dun acordo subscrito co Instituto da Cinematografía e das Artes Audiovisuais, o Goberno vasco destinará 760 000 euros máis á produción audiovisual en éuscaro, co que o montante total da convocatoria ascende a 3 190 000 euros.
Fonte: Gobierno Vasco
21 de decembro de 2022
A Real Academia Española (RAE) presentou a actualización 23.6 do Diccionario de la lengua española (DLE), que inclúe 3152 novidades: novas incorporacións de termos, supresións e emendas de artigos xa existentes.
Fonte: Real Academia Española
21 de decembro de 2022
O secretario xeral de Política Lingüística, Valentín García, participou no Pazo de San Roque na presentación da XLV entrega dos Cadernos Ramón Piñeiro titulada Estudos arredor de Florencio Delgado Gurriarán, unha obra coa que o Centro Ramón Piñeiro para a Investigación en Humanidades lle rende unha homenaxe ao autor de Valdeorras, figura destas Letras Galegas 2022.
Boletín
Subscríbase ao boletín
