O Goberno valenciano modifica a Lei do Estatuto dos Consumidores para engadir como infracción sancionable a discriminación lingüística e poderá impor multas de ata 3000 euros a comercios e empresas que deneguen a atención en valenciano.
Fonte: ABC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de decembro de 2022
26 de decembro de 2022
O Goberno vasco leva a cabo unha sondaxe sobre o éuscaro, a través de 1200 entrevistas telefónicas, e determina que o 95 % da poboación vasca considera que a Administración debería atender sempre no idioma que elixa a cidadanía e que o 90 % pensa que as empresas e entidades privadas tamén deberían atender a súa clientela do mesmo modo.
Fonte: Deia
26 de decembro de 2022
O organismo de defensa do francés no Quebec, a Oficina Quebequesa da Lingua Francesa, advertiu que 47 distritos e cidades de todo o Quebec poderían perder o seu status bilingüe se as institucións non toman medidas para garantir a promoción das dúas linguas oficiais.
Fonte: Montreal Gazette
23 de decembro de 2022
O número de falantes de lingua mapuche en Chile está caendo notablemente nos últimos anos debido a unha falta de políticas de preservación e promoción por parte das institucións.
Fonte: La Razón
23 de decembro de 2022
Acábase de publicar a segunda edición, corrixida e aumentada, do dicionario ortográfico, gramatical e morfolóxico de lingua occitana de Josiana Ubaud, cunhas 119 000 entradas.
Fonte: Jornalet
23 de decembro de 2022
O dicionario Cambridge da lingua inglesa modificou as entradas de "man" (home) e "woman" (muller) para incluír as persoas transxénero.
Fonte: CNN
23 de decembro de 2022
O termo de base portuguesa "portuñol" é unha das 280 palabras que pasan a pertencer ao Dicionario da Real Academia Española.
Fonte: Observador
23 de decembro de 2022
Lúa García, M.ª Inés Cuadrado e Alberto Guntín, autores do guión Acotío, son os gañadores do IV Premio Daniel Domínguez de guión en galego polo que recibirán 2000 euros, así como unha subscrición gratuíta ilimitada ao mercado en liña da plataforma Filmarket Hub.
Fonte: Culturagalega.org
23 de decembro de 2022
O proxecto Araina ten como obxectivo crear o primeiro corpus de voz en aranés a partir da participación colectiva, para o cal se organizou un acto de oito horas de gravación no que un centenar de persoas leu unhas 4000 frases nesta lingua.
Fonte: Generalitat de Catalunya
23 de decembro de 2022
Este certame, organizado polos servizos de normalización lingüística de doce concellos, das tres universidades e da Deputación da Coruña, xa ten os finalistas desta sexta edición para os seus oito premios que se disputarán 22 propostas.
Fonte: Galicia Confidencial
Boletín
Subscríbase ao boletín
