O Parlamento de Rusia aproba unha lei que prohibe o uso de palabras estranxeiras na lingua rusa. A única excepción será o uso de palabras estranxeiras que non teñan equivalente en ruso.
Fonte: EuroWeekly
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de decembro de 2022
Portugal conmemora o Día Nacional da Lingua de Signos Portuguesa (LGP, polas súas siglas en portugués) co fin de promover e respectar os dereitos das persoas xordas. Segundo a Asociación Portuguesa de Persoas Xordas, en Portugal hai 30 000 persoas que utilizan a lingua de signos.
Fonte: ComUM
13 de decembro de 2022
Entre o 4 de decembro de 2020 e o 31 de decembro de 2021 a Oficina de Defensa dos Dereitos Lingüísticos atendeu 208 casos, fronte aos 126 de Cataluña e os 87 da Comunidade Valenciana.
Fonte: Diario de Mallorca
13 de decembro de 2022
A conselleira de Saúde detallou os obxectivos do III Plan de normalización do éuscaro en Osakidetza para o período 2022-2028 cuxo principal reto é avanzar no respecto aos dereitos lingüísticos da cidadanía e garantir o uso desta lingua na comunicación corporativa e na atención aos usuarios.
13 de decembro de 2022
O almanaque de 2023 da Universidade de Vigo foi deseñado polo ilustrador e humorista gráfico Luis Davila quen, nas viñetas que acompañan cada mes, ilustra os prexuízos que persisten sobre o uso do galego no eido universitario co obxectivo de desmontalos e combatelos.
Fonte: Universidade de Vigo
13 de decembro de 2022
O secretario xeral de Política Lingüística, Valentín García, participou na rolda de prensa na que se deron a coñecer os detalles da Gala aRi[t]mar de música e poesía galego-portuguesas na que colabora a Xunta de Galicia e que reunirá o vindeiro xoves 15 de decembro no Teatro Principal de Santiago a parte dos galardoados nesta edición 2022.
12 de decembro de 2022
Os diferentes estados que integran a Comunidade de Países de Lingua Portuguesa (CPLP) queren que exista unha maior uniformidade do ensino da lingua portuguesa na educación primaria.
Fonte: RNA
12 de decembro de 2022
Os datos do último censo realizado en 2021 no País de Gales revelaron unha alarmante caída de falantes de galés até o mínimo histórico de 17,8 % da poboación residente, un 1,2 % menos que no censo realizado hai unha década.
Fonte: The Guardian
12 de decembro de 2022
Plataforma per la Llengua organiza o primeiro encontro de tiktokers en valenciano que busca impulsar o seu uso nesta rede social, a máis empregada pola xente nova, e no que participan varios influencers.
Fonte: Cadena Ser
12 de decembro de 2022
A fundación Cristina Enea lanzou Hitzontzi, un dicionario en liña de sinónimos en éuscaro do ámbito da agricultura e a gandería dirixido ao alumnado que acode ás hortas escolares e que será quen vaia facendo achegas para enriquecer esta publicación.
Fonte: Noticias de Gipuzkoa
Boletín
Subscríbase ao boletín
