O Goberno balear repartiu case 1000 folletos, baixo o título «A l'Abast», cos que busca atender as necesidades lingüísticas de catalán dos refuxiados e da comunidade ucraína que vive no arquipélago.
Fonte: Crónica Balear
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de decembro de 2022
05 de decembro de 2022
O Palacio Europa de Vitoria-Gasteiz acolleu o acto institucional de celebración do Día Internacional do Éuscaro, con motivo do que as tres deputacións forais, os concellos das tres capitais vascas e o Goberno acordaron unha declaración. O acto serviu, ademais para recordar que a Lei básica de normalización do uso do éuscaro cumpre corenta anos.
05 de decembro de 2022
A colección Esenciais está formada por corenta títulos que xa poden consultarse en aberto a través da Libraría Dixital da Universidade de Santiago de Compostela.
05 de decembro de 2022
O secretario xeral de Política Lingüística, Valentín García, participou no acto de presentación do libro Cátedra dunha Galicia Universal. Homenaxe ao profesor Basilio Losada, editado pola Federación de Entidades Culturais Galegas de Cataluña (FEGALCAT) co apoio da Xunta de Galicia para renderlle unha homenaxe póstuma ao profesor e tradutor, finado o pasado verán.
05 de decembro de 2022
O conselleiro de Cultura, Educación, FP e Universidades, Román Rodríguez, celebra como un gran logro para Galicia a entrada do programa educativo Ponte...nas Ondas! no Rexistro de Boas Prácticas do Patrimonio Cultural Inmaterial da Unesco.
Fonte: Xunta de Galicia
05 de decembro de 2022
O ministro de Educación e da Lingua Galesa do País de Gales, Jeremy Miles, anunciou cursos de lingua galesa gratuítos a todo o persoal que traballe nas escolas e institutos.
05 de decembro de 2022
A longametraxe de terror Enys Men, do director Mark Jenkin, converteuse no primeiro filme en Cornualles que se promociona tanto en inglés como en lingua córnica.
Fonte: The Guardian
02 de decembro de 2022
As persoas que desempeñen labores de enfermaría no Reino Unido deben realizar e aprobar un exame de coñecementos da lingua inglesa. Esta medida está a frustrar as esperanzas de moitas persoas á hora de acceder a postos de enfermaría no Reino Unido.
Fonte: The Economic Times
02 de decembro de 2022
O Parlamento de Alemaña aprobou un orzamento federal que destinará a financiar directamente o ensino da lingua polaca. Con esta medida, Alemaña quere responder ás críticas que recibiu de Polonia sobre este asunto.
Fonte: NFP
02 de decembro de 2022
A partida para a promoción do asturiano ascende a 2 535 701 euros para o 2023, fronte aos 2 205 441 deste ano. Malia o incremento, segue a representar o 0,04 % do total do orzamento.
Fonte: La Voz de Asturias
Boletín
Subscríbase ao boletín
