Trátase dunha aplicación móbil gratuíta mediante a que podemos dispoñer deste calendario de advento dixital que permite descubrir curiosidades do Nadal en aragonés.
Fonte: El Periódico
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de decembro de 2022
02 de decembro de 2022
A campaña "Eskatu, eskaini euskaraz" ten como obxectivo fomentar o uso do éuscaro nos establecementos comerciais e hostaleiros. Un total de 124 municipios vascos e as tres deputacións forais, así como mancomunidades e asociacións de comercio e hostalería sumáronse este ano á iniciativa.
02 de decembro de 2022
O secretario xeral de Política Lingüística, Valentín García, participou na presentación do libro A miñá irmá Antonia, de Ramón María del Valle-Inclán, traducida por primeira vez ao galego por Rocío Viéitez co apoio da Xunta, do Concello da Pobra do Caramiñal e do Museo Valle-Inclán.
02 de decembro de 2022
A asociación a prol da lingua galesa Cymdeithas yr Iaith colocan adhesivos en carteis de venda de segundas residencias na illa de Anglesey para demandar maior protección para as comunidades de fala galesa.
Fonte: Nation Cymru
02 de decembro de 2022
O Goberno de Nixeria aprobou unha nova lei de linguas nacionais que introduce o ensino dos idiomas locais nas escolas primarias.
Fonte: Aljazeera
01 de decembro de 2022
A xornada «Seronda Moza» celebrouse en Llanera e está dirixida a mozos e mozas dos 16 aos 35 anos. Trátase dunha iniciativa que ten como obxectivo achegarlle a lingua asturiana a este colectivo a través da cultura e o lecer.
Fonte: AsturNews
01 de decembro de 2022
O maior dicionario de lingua aragonesa, froito de máis de doce anos de traballo, recolle máis de 90 000 entradas en 2500 páxinas. Cada entrada acompáñase das súas equivalencias en castelán e catalán, e conta, ademais, con información gramatical, etimoloxía e, no caso de animais e vexetais, nome científico.
Fonte: Aragón Cultura
01 de decembro de 2022
O Concello da Coruña entrega os premios do certame de fomento da escrita en galego “Cartas de verán”
A alcaldesa da Coruña entregoulles os agasallos ás 42 nenas e nenos que participaron na primeira edición do certame ‘Cartas de verán’, unha iniciativa que, durante a tempada estival, promoveu a escrita en galego entre a cativada de ata 12 anos.
Fonte: A Coruña na Rede
01 de decembro de 2022
O conselleiro de Cultura, Educación, FP e Universidades, Román Rodríguez, xa está en Rabat para apoiar o proxecto «Ponte… nas Ondas!», a candidatura que opta a ser recoñecida pola Unesco como “un modelo para o mundo”.
Fonte: O Portal da Lingua Galega
30 de novembro de 2022
A localidade grega de Florina é o lugar escollido para a apertura do primeiro centro de idioma macedonio de Grecia cuxo obxectivo é a preservación desta lingua eslava no país heleno.
Fonte: Balkan Insight
Boletín
Subscríbase ao boletín
