O secretario xeral de Política Lingüística, Valentín García, participou no Museo Nacional de Ciencia e Tecnoloxía da Coruña na entrega do Premio Otero Pedrayo 2022 que, nesta edición, recaeu no investigador e catedrático de Medicina Legal da Universidade de Santiago de Compostela Ángel Carracedo.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de novembro de 2022
25 de novembro de 2022
A enquisa de Coñecementos e usos lingüísticos de Andorra revela que o catalán é de novo a primeira lingua materna da poboación andorrana maior de 14 anos, despois de décadas de liderado do castelán.
Fonte: Nationalia
25 de novembro de 2022
O Ministerio do Interior de Francia confirmou que vai introducir a realización dunha proba de lingua obrigatoria para as persoas que queiran solicitar un permiso de residencia de varios anos.
Fonte: The Connexion
24 de novembro de 2022
Do 25 ao 27 de novembro celébrase en Hecho e Siresa a décima edición de La Trobada, un encontro no que se lle ofrecen espazos en aragonés á comunidade de falantes co obxectivo de mostrar que esta lingua se pode usar en todos os ámbitos.
Fonte: El Diario
24 de novembro de 2022
O secretario xeral de Política Lingüística, Valentín García, visitou o colexio CEIP Plurilingüe San Miguel para participar na presentación do libro A Paradela dos máis novos, elaborado por estudantes de Infantil, Primaria, ESO e Bacharelato de Paradela e editado polo Colectivo Egeria coa colaboración da Xunta no marco das celebracións polo bicentenario do concello lucense.
23 de novembro de 2022
O persoal que traballe na Autoridade Educativa, principal organismo responsable da educación de Irlanda do Norte, poderá ter acceso a formación gratuíta en gaélico irlandés e escocés do Úlster.
Fonte: BBC
23 de novembro de 2022
Un equipo interdisciplinario da Universidade de Zürich e o Instituto Max Planck de Antropoloxía Evolutiva de Leipzig revelou nun estudo que as linguas e os xenes non sempre evolucionaron en paralelo e isto pode axudar a desvelar información relevante sobre a historia da evolución humana.
Fonte: Arkeonews
23 de novembro de 2022
Representantes da industria da publicidade na República de Irlanda mostraron o seu desacordo ante a fixación dunha porcentaxe mínima de produtos publicitarios en lingua gaélica. A partir de agora un 20% de todos os anuncios procedentes de entes públicos deben estar en gaélico.
Fonte: Independent.ie
23 de novembro de 2022
Plataforma per la Llengua publica a undécima edición do InformeCAT, con datos sobre o estado do catalán en Cataluña, as illas Baleares e a Comunidade Valenciana. No estudo analízanse variables como a transmisión lingüística interxeracional ou o cambio dos catalanfalantes ao castelán cando alguén lles fala nesta lingua.
23 de novembro de 2022
Por medio deste convenio para o asesoramento lingüístico e o fomento do éuscaro, a Real Academia da Lingua Vasca-Euskaltzaindia recibirá do Concello de Pamplona 12 000 euros en concepto de subvención nominativa.
Fonte: Ayuntamiento de Pamplona
Boletín
Subscríbase ao boletín
