Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Xunta de Galicia conmemora o 186 aniversario do nacemento de Rosalía de Castro cunha programación organizada xunto coa Fundación que leva o nome da autora de Cantares gallegos e que arrincou no Instituto Camilo José Cela de Padrón cunha lectura de poemas diante da estatua da homenaxeada.
Fonte: O Portal da Lingua Galega
Unha nova lei da República francesa quere introducir a realización obrigatoria dun exame de lingua francesa para inmigrantes como requisito para conseguir o permiso de residencia.
Fonte: Language Magazine
O Batalha Centro de Cinema do Porto acolleu a celebración do Día Internacional da Lingua Materna que contou entre outros actos coa entrega dos Premios Interculturalidade 2022, promovidos polo Espazo T - Asociación para o Apoio á Integración Social e a Comunidade de Bangladesh do Porto.
Fonte: Porto
O consistorio lanza unha campaña para que as persoas que naceron entre 2001 e 2004 escollan o éuscaro como lingua de relación co ente municipal, xa que, a partir da maioría de idade, os trámites coa administración aumentan e quere coñecer o idioma que prefire utilizar este sector de entre 18 e 22 anos.
Fonte: El Diario Vasco
A Consellería de Educación, Cultura e Deporte e a Corporación Valenciana de Medios de Comunicación presentan un portal de acompañamento e reforzo á aprendizaxe do valenciano, con recursos dixitais, audiovisuais e radiofónicos para adaptarse ás necesidades de todas as persoas que usan, practican e queren perfeccionar esta lingua, independentemente do dominio que teñan do idioma.
Fonte: Magisterio
Segundo o académico Henrique Monteagudo os nenos e adolescentes galegofalantes sofren unha "presión desgaleguizadora" cando acceden ao sistema educativo, tanto nas aulas como na súa relación cos compañeiros e compañeiras.
Fonte: Nós Diario
O Goberno do Xapón presentou unha proposta de lei para protexer e estandarizar o traballo das escolas de ensino de xaponés co fin de garantir uns parámetros mínimos de calidade.
Fonte: The Japan Times
Un estudo elaborado pola institución pública de radiodifusión alemá WDR revelou que para case dous terzos da poboación de Alemaña a linguaxe inclusiva non xoga un papel importante.
Fonte: IFN
Unha deputada do Movemento para a Democracia de Cabo Verde presentou un proxecto de lei para que o portugués sexa patrimonio cultural inmaterial por ser unha parte importante da historia do arquipélago.
Fonte: Expresso das Ilhas
Repués: Asinas se charraba en L´Almunia de Doña Godina é unha colección de máis de 2500 palabras e expresións propias da zona de La Almunia, da autoría de Gonzalo Orna Soria. O traballo de recompilación do autor comezou hai 40 anos, cando se comprometeu coa aprendizaxe da lingua aragonesa nun momento en que contaba con escaso recoñecemento social.
Subscríbase ao boletín
