Euskaltzaindia - Real Academia da Lingua Vasca apoia a declaración do Consello Navarro do Éuscaro para pedir unha modificación lexislativa pola que esta lingua se converta en oficial en toda Navarra, esencial para garantir os dereitos lingüísticos da cidadanía da Comunidade Foral.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de novembro de 2022
18 de novembro de 2022
O secretario xeral de Política Lingüística, Valentín García, participou na presentación do V Certame de Podcast “Xosé Mosquera Pérez, O vello dos contos”, organizado polo IES Plurilingüe Rosalía de Castro de Santiago de Compostela, Arraianos Producións e o colectivo Ponte … nas Ondas! coa colaboración da Consellería de Cultura, Educación, FP e Universidades.
17 de novembro de 2022
O Consello de Ministros aprobou o financiamento para o “Proxecto Nós: O galego na sociedade e na economía da intelixencia artificial” co que se apoia, entre outras tarefas, a recompilación de recursos en galego de alta calidade (texto e voz) que se publicarán en formato dixital e que serán accesibles de forma gratuíta.
17 de novembro de 2022
Euskarabidea-Instituto Navarro do Éuscaro e Osasunbidea, o servizo navarro de saúde, colaboran para fomentar o emprego do éuscaro nos centros de atención primaria, para o que levou a cabo un programa piloto en varios centros de saúde da zona vascófona co obxectivo de analizar as súas características e necesidades lingüísticas.
17 de novembro de 2022
Os directores xerais de Cultura e de Patrimonio Cultural, Anxo M. Lorenzo e Mª Carmen Martínez, asistiron no Centro Cultural de Valadares á entrega de premios da V edición do certame “As imaxes do Patrimonio”, onde trasladaron o apoio da Xunta de Galicia á candidatura de Ponte... nas Ondas! que aspira a entrar no Rexistro de Boas Prácticas de Salvagarda do Patrimonio Cultural Inmaterial da Unesco.
16 de novembro de 2022
O Parque Nacional de Snowdonia (Eryri, en galés) accedeu a empregar exclusivamente o nome galés de Snowdon, a montaña máis alta de Gales, polo seu nome en galés (Yr Wyddfa).
Fonte: BBC
16 de novembro de 2022
Unha familia da localidade galesa de Wrexham solicitou hai tres anos clases de natación en lingua galesa para os seus fillos e aínda non obtivo resposta. A asociación Cymdeithas Yr Iaith demandou unha resposta inmediata por parte do goberno local.
Fonte: Wrexham.com
16 de novembro de 2022
O 92 % das empresas vascas dispón de páxina web e destas case a metade conta con versión en éuscaro. Por territorios, a presenza da lingua vasca é algo maior nas empresas guipuscoanas (58,5 %), seguidas das biscaíñas (45,3 %) e as arabesas (44 %).
Fonte: Norte Exprés
16 de novembro de 2022
El Corte Inglés, Carrefour, Uvesco (BM), Mercadona e Eroski súmanse á terceira edición de Euskaraldia e mostran así o seu compromiso para seguir avanzando na normalización do emprego do éuscaro neste sector.
Fonte: Gobierno Vasco
16 de novembro de 2022
O secretario xeral de Política Lingüística, Valentín García, participou na Cova Céltica organizada pola Fundación Eduardo Pondal para presentar o libro Con Pondal en Bergantiños, de Francisco Fernández del Riego e editado por Galaxia.
Fonte: O Portal de Lingua Galega
Boletín
Subscríbase ao boletín
