A Facultade de Veterinaria do Campus de Lugo busca coa campaña de dinamización do galego ‘Cambia a túa mirada’ favorecer a integración lingüística do alumnado procedente de fóra de Galicia.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
16 de novembro de 2022
15 de novembro de 2022
A radio de fala gaélica Raidió Fáilte quere explorar a posibilidade de abrir unha nova emisora nesta lingua na zona da cidade norteirlandesa de Derry.
Fonte: Derry Now
15 de novembro de 2022
O TSXG avala esta ordenanza que fomenta o uso do galego no Concello da Coruña e nega que esta prohiba o uso do castelán nunha sentenza do 7 de novembro. Rexeita así o recurso presentado pola entidade Hablamos Español.
Fonte: Cadena SER
15 de novembro de 2022
Trátase do primeiro texto en lingua vascónica, antecesora do éuscaro, composto de cinco palabras inscritas nun obxecto de bronce con forma de man que colgaba da porta dunha vivenda hai 2100 anos no poboado de Irulegi, no val de Aranguren (Navarra).
Fonte: El Correo
15 de novembro de 2022
O Consorcio para a Normalización Lingüística (CPNL) inclúe unha nova sección na web sobre gramática do catalán na que se estruturan os contidos segundo os niveis de aprendizaxe do alumnado, desde o nivel básico ata o superior.
Fonte: Generalitat de Catalunya
15 de novembro de 2022
O director xeral de Cultura, Anxo M. Lorenzo, inaugurou en Pontevedra a mostra itinerante “Compromiso na distancia”, unha das iniciativas incluídas na programación impulsada pola Xunta de Galicia con motivo da celebración das Letras Galegas 2022, dedicadas a Florencio Delgado Gurriarán.
15 de novembro de 2022
O mestrado Linguas Nativas Americanas da Universidade de Arizona aborda o proceso de revitalización das linguas nativas dos EUA e fomenta a participación de alumnos e alumnas procedentes de comunidades nativas para que se convertan en futuros formadores destes idiomas.
Fonte: The University of Arizona
14 de novembro de 2022
Ata o 18 de novembro vaise levar a cabo Pantailaldia, unha iniciativa colectiva para promover o contido audiovisual en éuscaro co obxectivo de incrementar o consumo dos contidos nesta lingua e dar a coñecer as dificultades existentes para atopar estes contidos.
Fonte: EITB
14 de novembro de 2022
O gaming catalán chega por vez primeira aos circuítos oficiais das competicións de videoxogos electrónicos cun novo salón, SAGA, impulsado por Plataforma per la Llengua e o apoio da Generalitat de Catalunya.
Fonte: La Vanguardia
14 de novembro de 2022
A Facultade de Ciencias da Educación e do Deporte acolle o único hackatón dirixido a incorporar novos contidos ao Galizionario, a versión en galego do Wiktionary que conta a día de hoxe con máis de 75 000 entradas.
Fonte: Universidade de Vigo
Boletín
Subscríbase ao boletín
