Comezou a votación para escoller a palabra do ano 2022 en Portugal e Angola. A lista de dez palabras foi elaborada pola editorial Porto Editora.
Fonte: Diário de Notícias
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de decembro de 2022
07 de decembro de 2022
A partir de xaneiro de 2024, as persoas refuxiadas procedentes de Ucraína que estean afincadas en Letonia estarán obrigadas a facer un curso de letón para poder optar a un traballo.
Fonte: Baltic News Network
07 de decembro de 2022
A Feira de Durango contará cunha caseta do Servizo Editorial da Universidade do País Vasco na que se presentarán 40 novos traballos en éuscaro, entre os que figuran libros de texto ou revistas, entre outros.
Fonte: Universidad del País Vasco
07 de decembro de 2022
Co obxectivo de amosar a escasa presenza do catalán nos videoxogos nace SAGA, un salón no que cincuenta expositores dan coñecer a oferta existente nesta lingua, así como creadores de contidos, asociacións de usuarios e centros de formación.
Fonte: La Vanguardia
07 de decembro de 2022
A Deputación Foral de Biscaia entregou os galardóns da XVIII edición dos premios Lauaxeta a persoas e institucións pola súa traxectoria na difusión internacional do coñecemento e o uso do éuscaro.
Fonte: Diputación Foral de Bizkaia
07 de decembro de 2022
Por segundo ano convócase este concurso infantil de postais que ten como obxectivo promover que as nenas e nenos demostren a súa creatividade e, ao mesmo tempo, dinamizar o uso da lingua galega no grupo de idade entre os 3 e os 14 anos.
Fonte: Telemariñas
07 de decembro de 2022
Trátase da terceira edición da Residencia Xacobeo para tradutoras e tradutores de literatura galega, unha iniciativa convocada pola Xunta en colaboración coa Residencia Literaria 1863 para que profesionais da tradución de todo o mundo viaxen á Coruña para desenvolver o seu labor.
Fonte: La Opinión
07 de decembro de 2022
A Secretaría Xeral de Política Lingüística e a Dirección Xeral de Ordenación e Innovación Educativa convocan a edición 2022-2023 dos premios a curtas de animación en galego “Nós tamén creamos!”. O certame conta con tres categorías: segundo ciclo de educación infantil, primeiro e segundo de educación primaria, e terceiro e cuarto de educación primaria.
07 de decembro de 2022
O Goberno do Reino Unido aprobou un acordo de descentralización de 360 millóns de libras para Cornualles que inclúe unha nova partida orzamentaria para a promoción da lingua córnica.
Fonte: Nation Cymru
05 de decembro de 2022
A Corporación Catalá de Medios Audiovisuais (CCMA) presentou o seu novo Plan estratéxico co que pretende aumentar o consumo audiovisual en catalán, así como asegurar o acceso universal a contidos de calidade nesta lingua.
Fonte: Crónica Global
Boletín
Subscríbase ao boletín
