Mediante as axudas a asociacións e entidades sen ánimo de lucro localizadas na provincia de Badaxoz, a Deputación Provincial contribúe economicamente ao impulso do romaní co desenvolvemento de diferentes proxectos.
Fonte: InfoProvincia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de novembro de 2022
04 de novembro de 2022
A Facultade de Relacións Laborais acolle o primeiro Campionato de Debate en Galego, unha actividade formativa, lúdica e competitiva na que o alumnado poderá mellorar a súa capacidade para expresarse oralmente en galego.
04 de novembro de 2022
A Asociación Galega de Profesionais da Tradución e da Interpretación decidiu outorgarlle o Premio Xela Arias á Mesa pola Normalización Lingüística polo seu papel no cambio da nova Lei xeral do audiovisual para incrementar a presenza do galego nas plataformas de televisión.
Fonte: Galicia Confidencial
04 de novembro de 2022
Os datos do último Censo Demográfico realizado polo Instituto Brasileiro de Xeografía e Estatística revelan que no Brasil se falan 274 linguas indíxenas de 305 etnias diferentes.
Fonte: Gov.br
04 de novembro de 2022
O Goberno da Rexión de Ultramar de Reunión (Francia) aprobou o estatuto que permitirá que os órganos administrativos desta illa do océano Índico inclúan a lingua insular, o crioulo, nas súas comunicacións oficiais.
Fonte: Nationalia
03 de novembro de 2022
O meu PC, a guía do software en galego é unha web que ten como obxectivo divulgar e compartir coñecementos sobre aplicacións e computadoras e na que se publicará un artigo sobre un tema concreto cada dous días.
Fonte: Galicia Confidencial
03 de novembro de 2022
A Xunta de Galicia impulsa máis de 40 actividades para celebrar este novembro o Mes da Ciencia en Galego nas Bibliotecas da rede pública da Consellería de Cultura, Educación, FP e Universidades, así como nas bibliotecas escolares. O obxectivo desta iniciativa, que se desenvolverá ata o día 30 deste mes, é sensibilizar os máis novos sobre a necesidade de usar o galego na literatura científica.
03 de novembro de 2022
A Universidade de Santiago e a Real Academia Galega presentaron Superheroínas, unha produción audiovisual realizada ao abeiro do proxecto ‘Novas voces para a lingua’, cuxo obxectivo é fomentar o uso cotián do galego entre a mocidade.
Fonte: Real Academia Galega
03 de novembro de 2022
Case oito de cada dez persoas que se presentaron aos exames para obter o certificado C2 de catalán aprobaron, 6,5 puntos máis que no ano 2021. Previamente xa se incrementaran as inscricións, que se multiplicaron por tres, así como a proporción de presentados.
Fonte: El Periódico
03 de novembro de 2022
Ante a diminución do uso do catalán que constatan varios estudos, principalmente, entre a xente nova, o goberno local presentou unha serie de propostas para impulsar o uso desta lingua na cidade, distribuídas por ámbitos: ensino; mocidade, lecer e deporte; cultura, ciencia e universidades; empresa, comercio e turismo; sanidade, acollida e arraigo; e Administración.
Boletín
Subscríbase ao boletín
