A Plataforma Vasca da Industria, Indeus, estableceu na súa asemblea anual as principais áreas de traballo para o ano 2023, entre as que destacan a posta en marcha dunha campaña para incluír o éuscaro no paquete de idiomas dos software máis empregados ou o esforzo para garantir a posibilidade de realizar as inspeccións técnicas obrigatorias nesta lingua.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de febreiro de 2023
06 de febreiro de 2023
Esta iniciativa impulsada desde a rede, que xa sumou case 2400 sinaturas, busca que as compañías de servizos de xeolocalización e navegación sinalicen os nomes de lugar unicamente coas formas galegas, xa que son as únicas oficiais.
06 de febreiro de 2023
O Consell de Mallorca destinará 150 000 euros á convocatoria de axudas destinadas aos concellos da illa para que dispoñan de rótulos, indicadores e sinalización en catalán.
Fonte: Última Hora
06 de febreiro de 2023
Dous investigadores da Universidade de Jena, en Alemaña, e da Escola de Estudos Orientais e Africanos da Universidade de Londres, descifraron unha antiga lingua cananea descoñecida até agora nunhas táboas de arxila de 4 mil anos de antigüidade. A lingua foi descifrada porque ao lado das inscricións aparece a correspondente tradución á lingua acadia, idioma semítico falado na antiga Mesopotamia.
03 de febreiro de 2023
O Goberno de Gales destinará axudas de máis de 10 millóns de libras esterlinas ao fortalecemento da economía dos condados onde existen maiores porcentaxes de uso da lingua galesa. A idea é tamén favorecer que as persoas que abandonaron estas zonas no pasado poidan volver e atopar nelas un novo modo de vida.
03 de febreiro de 2023
Varias asociacións do País de Gales uníronse para crear un circuíto de actuacións musicais en lingua galesa co fin de promover o seu uso na música e brindar oportunidades a artistas que a usen nas súas producións.
Fonte: Nation Cymru
03 de febreiro de 2023
A modificación da lei de función pública ou a de normalización lingüística de forma integral abordarase para que as exoneracións do coñecemento do catalán na sanidade non sexan xeneralizadas e que se analice caso por caso á hora de aplicar algunha excepción.
03 de febreiro de 2023
Esta publicación, da que se repartirá 15 000 exemplares en centro de infantil e primaria, ofrece consellos, recomendacións e recursos para nais e pais co obxectivo de fomentar o uso do éuscaro entre menores de 10 anos.
03 de febreiro de 2023
A partida destinada ás subvencións do ano 2023 para a creación, mantemento e reforzo dos servizos de normalización lingüística municipais na provincia de Pontevedra increméntase ata os 200 000 euros que se repartirán así: 35 000 euros para os municipios que impulsen novos departamentos e 25 000 para os que potencien os xa existentes.
03 de febreiro de 2023
Un estudo elaborado na Universidade de Helsinqui revelou que un quinto dos nenos e nenas de familias estranxeiras que estudan finés como segunda lingua deberían estudala como lingua nativa xa que o seu nivel é equiparable a aquelas que o falan como lingua materna.
Fonte: Helsinki Times
Boletín
Subscríbase ao boletín
