A enquisa, realizada no único instituto de secundaria do Val de Arán, revela que o 61 % do alumnado ten o castelán como lingua de identificación; o 18,8 %, o aranés; o 10 %, o catalán; e un 9 %, outros idiomas.
Fonte: Catalunya Press
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de outubro de 2022
20 de outubro de 2022
O Consello da Cultura Galega presenta Galicia, unha cultura por descubrir, un proxecto que mostra no exterior o potencial creativo da cultura galega contemporánea. A través dun espazo web, dispoñible en galego e inglés, poden consultarse diferentes materiais, como pezas audiovisuais e outros recursos e contidos.
Fonte: Consello da Cultura Galega
20 de outubro de 2022
Varios coñecidos creadores debaten sobre o poder das artes como ferramenta importante para a normalización do galego nesta edición XXIV destes encontros que ten como lema “Arte e lingua como ferramentas de construción masiva”.
Fonte: Consello da Cultura Galega
20 de outubro de 2022
Un grupo de persoas expertas participantes nas VII Xornadas Pedagóxicas da Universidade Nacional Timor Lorosa`e constataron que nunca antes na historia de Timor Leste houbera un número tan alto de persoas mozas que poidan entender a lingua portuguesa.
Fonte: RTP Notícias
19 de outubro de 2022
A estación de radio Burst Radio da Universidade de Bristol, Inglaterra, comezará a retransmitir un programa de dúas horas en lingua galesa.
Fonte: Nation Cymru
19 de outubro de 2022
O Instituto Navarro do Éuscaro organiza unha convocatoria de probas de nivel de éuscaro para que as persoas que se presentan aos procedementos de estabilización do persoal das entidades locais de Navarra acrediten o seu nivel de coñecemento, desde o A1 ata o C1.
Fonte: Navarra.es
19 de outubro de 2022
A páxina oficial da Administración autonómica céntrase no castelán e menciona o galego e o éuscaro, pero non fai ningunha referencia á lingua leonesa, malia que, por lei, debería garantir o seu uso e protexela.
Fonte: iLeón
19 de outubro de 2022
O Auditorio do Vello Cárcere (Lugo) acollerá o 5 de novembro "Ciencia Calidade", un concurso de monólogos en galego no que oito persoas divulgarán contidos científicos de forma amena en menos de 3 minutos.
Fonte: Consello da Cultura Galega
19 de outubro de 2022
O secretario xeral de Política Lingüística, Valentín García, e a presidenta da Fundación Vicente Risco, Celia Pereira, presentaron a edición facsimilar conmemorativa do centenario do Plan pedagóxico para a galeguización das escolas, elaborado por Vicente Risco co obxectivo de crear unha guía docente que permitise galeguizar e modernizar o modelo escolar de principios do século XX.
19 de outubro de 2022
Unha investigadora da Universidade de Coímbra realizou un estudo que revela que as persoas que falan dúas linguas toman decisións diferentes respecto a quen só fala unha.
Fonte: Público
Boletín
Subscríbase ao boletín
