O Goberno do País de Gales investirá 11 millóns de euros no fortalecemento económico das comunidades onde existe maior porcentaxe de falantes de galés.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de outubro de 2022
O Concello de Azkoitia lembra que as empresas que deseñaron ou están a desenvolver un plan de éuscaro durante este ano poden solicitar as axudas municipais, que teñen un valor máximo de 2000 euros, ata o 31 de outubro.
Fonte: Noticias de Gipuzkoa
18 de outubro de 2022
O Vocabulario panlatino do dixital: ataques e devasas é unha obra terminográfica que inclúe solucións para 100 conceptos claves do ámbito da informática, a telefonía e Internet. Xunto co termo e a definición en francés, preséntanse as correspondencias en galego, catalán, español, italiano, portugués, romanés e inglés.
Fonte: Consello da Cultura Galega
18 de outubro de 2022
O director xeral en funcións da Radiotelevisión do Principado de Asturias anunciou que ao longo dos vindeiros meses haberá información diaria e semanal en lingua asturiana nos informativos da canle pública.
Fonte: Asturies.com
18 de outubro de 2022
O secretario xeral de Política Lingüística, Valentín García, participou na presentación da novela A agonía das Folerpas, de Óscar Reboiras, gañadora do Premio de Novela Galicia Rural 2022 convocado polo Concello de San Xoán de Río co apoio da Xunta e a colaboración da Editorial Galaxia.
18 de outubro de 2022
A asociación a prol da lingua irlandesa Foras na Gaeilge e a canle de televisión RTÉ presentaron a iniciativa Creidim Ionat que anima a crear parellas lingüísticas formadas por persoas que queiran aprender ou mellorar os seus coñecementos orais de gaélico e falantes fluídos desta lingua.
Fonte: RTÉ
17 de outubro de 2022
O Servizo de Dinamización Lingüística do Concello de Palma programa novas actividades gratuítas que van dirixidas a persoas que queren mellorar os seus coñecementos de catalán, con obradoiros que fomentan a expresión oral, espazos de conversación, visitas a mercados municipais e visitas culturais.
Fonte: La Vanguardia
17 de outubro de 2022
O Consell de Mallorca destina 193 000 euros para fomentar o uso do catalán no sector privado da illa
Un total de 84 empresas de Mallorca recibiu apoio económico do Departamento de Cultura, Patrimonio e Política Lingüística do Consell para realizar proxectos que promoven o catalán a través da rotulación en establecementos e vehículos, da etiquetaxe, da edición de material impreso e de aplicacións para móbiles, entre outros.
Fonte: Mallorca Informa
17 de outubro de 2022
Unha campaña une lingua e gastronomía para fomentar o uso do valenciano a través de receitas típicas
Escola Valenciana presentou a segunda edición da campaña «Tasta el Valencià», unha iniciativa que ten como obxectivo buscar o vínculo entre a lingua e a gastronomía. Para iso, elaboraron unha serie de vídeos que percorren diferentes comarcas da Comunidade Valenciana para amosar receitas típicas coas que aprender novas palabras, así como a riqueza lingüística do valenciano.
17 de outubro de 2022
Alumnado de Bacharelato de catro centros de ensino da comarca de Ferrolterra asistirá ao longo dos meses de outubro e novembro a este Laboratorio de Apoderamento Lingüístico, un proxecto piloto de dinamización do uso do galego entre a mocidade.
Fonte: CTNL
Boletín
Subscríbase ao boletín
