O secretario xeral de Política Lingüística, Valentín García, participou na presentación da obra Maternidades virtuosas, Premio Ramón Piñeiro de Ensaio 2021, da poeta e ensaísta galega e doutora en Teoría da Literatura na Universidade de Santiago de Compostela María do Cebreiro.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de outubro de 2022
05 de outubro de 2022
A cidade de Praia, capital de Cabo Verde, será o lugar escollido para celebrar a décima edición do Encontro de Escritores de Lingua Portuguesa. O evento ten como tema “Insularidade e Universalidade na Literatura”.
Fonte: Diplomacia Business
05 de outubro de 2022
Varios ministerios do Goberno da República de Irlanda anunciaron a creación dun novo programa de cursos de competencia en gaélico irlandés para o funcionariado público.
Fonte: Gov.ie
05 de outubro de 2022
Intérpretes en lingua de signos denuncian a falta de profesionais no seu sector, a baixa contratación e a carencia dun grao universitario que imparta lingua de signos para interpretar o éuscaro.
Fonte: El Diario
05 de outubro de 2022
Ikusgela é un proxecto especializado en vídeos explicativos, que se completan con contidos e materiais libres, cuxo obxectivo é incrementar a presenza do éuscaro na rede e completar a Wikipedia nesta lingua.
Fonte: Gobierno Vasco
05 de outubro de 2022
O Concello de Bueu organiza as xornadas «Bueu e a fala: o galego 3.0», que pretenden ofrecer unha reflexión arredor do emprego do galego nas redes e nos novos medios, así como a primeira edición do certame «Mergullándonos no TikTok», co obxectivo de fomentar o uso desta lingua entre a mocidade aproveitando o éxito desta rede social.
Fonte: Concello de Bueu
05 de outubro de 2022
Estas axudas correspóndense tanto a libro galego traducido a outras linguas como doutras linguas para o galego. En total, repartíronse 152 000 euros entre as editoras que recibirán o apoio económico, dividido en dúas anualidades.
Fonte: Culturagalega
05 de outubro de 2022
Os Premios da Cultura Galega deste ano recoñecen así o labor do académico Manuel González González, director do Dicionario da RAG que conta, ademais, cunha dilatada traxectoria de estudo, defensa e promoción do galego.
Fonte: Real Academia Galega
04 de outubro de 2022
O Consello Consultivo sobre Educación do estado de Oklahoma (EUA) revela que se incrementou o número de alumnas e alumnos que estudan unha lingua indíxena nas escolas públicas.
Fonte: Tulsa World
04 de outubro de 2022
Pamplona acollerá os días 13 e 14 de outubro a sexta edición de Sarean Euskaraz na que participarán máis de 1300 mozas e mozos de 4º da ESO e 1º de Bacharelato. Trátase dunha iniciativa do Goberno navarro para dar a coñecer e impulsar o uso do éuscaro nas TIC e promover a cultura dixital nesta lingua, principalmente, entre a mocidade.
Boletín
Subscríbase ao boletín
