A Cooperativa Xarda presenta Na terra fonda, unha serie audiovisual composta de cinco capítulos que pon o foco nos milleiros de microtopónimos que se atopan nos 1720 km que conforman a costa galega.
Fonte: Consello da Cultura Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de outubro de 2022
04 de outubro de 2022
Os obradoiros sobre sensibilización lingüística dirixidos a profesionais sanitarios de Cataluña teñen como obxectivo fomentar as boas prácticas na atención aos pacientes no que respecta aos seus dereitos lingüísticos.
Fonte: Generalitat de Catalunya
04 de outubro de 2022
A orixe da nosa lingua guapa é unha curtametraxe de ficción dirixida por Damián Varela e baseada nunha idea de Fina Casalderrey que está dirixida a alumnado de infantil e primaria. Con este proxecto audiovisual a RAG inaugura a sección web Lingua Guapa, onde se irán compilando recursos didácticos e lingüísticos dirixidos á rapazada.
04 de outubro de 2022
O secretario xeral de Política Lingüística, Valentín García, participou na entrega da XXVIII edición dos Premios Publicidade en Galego, convocados conxuntamente pola Xunta, o Parlamento de Galicia e o Foro Enrique Peinador, co obxectivo de promover o uso da lingua galega no ámbito publicitario en cumprimento do Plan xeral de normalización lingüística.
04 de outubro de 2022
O Goberno de Taiwán apoia a creación de TaiwanPlus, a primeira canle de noticias en lingua inglesa co fin de garantir a proxección internacional deste territorio insular.
Fonte: REUTERS
03 de outubro de 2022
Baixo o lema «Per la nuestra llengua» chega a Fonz a primeira edición do festival Ixufrina Rock, unha iniciativa que xorde co obxectivo de fomentar a lingua aragonesa. Ademais de música, haberá outras actividades como monólogos, maxia ou unha mesa redonda.
Fonte: Aragón Cultura
03 de outubro de 2022
Trátase do proceso participativo aberto á cidadanía impulsado pola Generalitat de Cataluña que recibiu máis contribucións dos últimos anos, cun total de 311 achegas e 3000 propostas contabilizadas ata o momento, aínda que a cifra definitiva non se coñecerá ata que finalice o reconto.
03 de outubro de 2022
A delegación de Lemos da Mesa pola Normalización Lingüística presenta unha campaña para normalizar o uso galego nos servizos de pediatría dos ambulatorios do sur de Lugo a través de adhesivos con mensaxes nesta lingua adaptadas ao público infantil.
Fonte: Xornal de Lemos
03 de outubro de 2022
A Xunta de Galicia celebra o Día Internacional da Tradución con dúas citas: a presentación do Obradoiro Internacional de Tradución Poética «Con barqueira e remador» por parte do director xeral de Cultura, Anxo M. Lorenzo, e o apoio ao XX Premio Plácido Castro, en cuxa entrega participou o secretario xeral de Política Lingüística, Valentín García.
03 de outubro de 2022
O ministro de Gaeltacht e Deporte da República de Irlanda abrirá oficialmente un novo centro de lingua gaélica na localidade de Knocknacarra, ao leste da cidade de Galway.
Fonte: Galway Bay
Boletín
Subscríbase ao boletín
