O portugués João Laurentino substituirá o guineano Incanha Itumbo na dirección do Instituto Internacional da Lingua Portuguesa.
Fonte: Bom dia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de decembro de 2022
Vegadeo acolleu a presentación do Informe lingüístico sobre la lengua del Eo-Navia. Sin fronteras: el gallego de Asturias no que se analizan aspectos como o territorio no que se fala galego no Principado, a percepción dos seus falantes, os prexuízos lingüísticos ao respecto...
30 de decembro de 2022
Estes sete novos vídeos infantís en éuscaro, editados ao abeiro do proxecto Mattin eta Kattalín, veñen sumarse aos cinco publicados o pasado ano e teñen como obxectivo ofrecer a tradición oral navarra de forma actualizada e atractiva.
Fonte: Gobierno de Navarra
30 de decembro de 2022
A palabra gañadora deste 2022, que en realidade é unha expresión complexa, é inteligencia artificial, escollida pola FundéuRAE de entre doce candidatas: apocalipsis, criptomoneda, diversidad, ecocidio, gasoducto, gigafactoría, gripalizar, inflación, inteligencia artificial, sexdopaje, topar e ucraniano.
30 de decembro de 2022
Se no ano 2021 o Servizo de Normalización Lingüística rescatou a microtoponimia de Negros, Cabeiro e Vilar de Infesta, no 2022 foi a quenda de Saxamonde, Cedeira e Quintela, cuxos topónimos se incorporarán ao proxecto impulsado polo Concello para recuperar os nomes de lugar do municipio.
Fonte: Faro de Vigo
30 de decembro de 2022
A Secretaría Xeral de Medios publicou no DOG a resolución da convocatoria de axudas dirixidas a empresas que realicen publicacións periódicas escritas integramente en galego.
Fonte: Consello da Cultura Galega
30 de decembro de 2022
As palabras trans e cis xa figuran na versión en liña do dicionario da RAG despois das múltiples reclamacións de varias organizacións para que se incorporasen estes termos para axudar a popularizalos e estender o coñecemento sobre eles.
Fonte: Nós Diario
30 de decembro de 2022
O novo currículo do sistema educativo irlandés incluirá cambios importantes e permitirá destinar máis horas ás linguas estranxeiras no ensino primario en detrimento da materia de relixión.
Fonte: The Irish Times
29 de decembro de 2022
A campaña Totjoc, á que se adheriron 17 establecementos, pon a disposición da poboación unha páxina web con máis de 1000 xogos en catalán, acompañados dunha información detallada das súas características.
Fonte: CPNL
29 de decembro de 2022
Trátase da novena edición do certame ‘Descubrindo Oleiros’, un premio co que o Concello busca fomentar a lingua galega e dar a coñecer diferentes lugares do municipio.
Fonte: El Ideal Gallego
Boletín
Subscríbase ao boletín
