O curso de habilidades comunicativas está dividido en tres módulos centrados na redacción científica, falar en público e presentacións dixitais eficientes de 25 horas de duración cada un.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de setembro de 2022
20 de setembro de 2022
Ante o retroceso que sofre o uso social do catalán, especialmente nas redes sociais, a OCB convoca o certame TikCat co obxectivo de fomentar a utilización desta lingua entre a mocidade nas novas tecnoloxías.
Fonte: Diario de Mallorca
20 de setembro de 2022
Arredor de 2800 persoas, segundo a Garda Urbana de Barcelona, participaron na manifestación convocada por colectivos contrarios á inmersión lingüística en catalán e partidarios dunha maior presenza de castelán nas aulas de Cataluña.
Fonte: El Diario
19 de setembro de 2022
Como cada 26 de setembro desde 2001 celébrase o Día Europeo das Linguas, unha iniciativa impulsada polo Consello de Europa co obxectivo de dar a coñecer a diversidade lingüística do continente, impulsar entre a poboación a aprendizaxe de idiomas e valorar a diversidade cultural de Europa.
Fonte: European Day of Languages
19 de setembro de 2022
O recente empeoramento das relacións entre o Reino Unido e a China podería obrigar a substituír o profesorado das escolas de lingua chinesa do Reino Unido por profesionais procedentes de Taiwán.
Fonte: The Guardian
19 de setembro de 2022
A Xunta destina 228 177 euros á sinatura de catro convenios para apoiar a docencia, a investigación e a promoción da lingua, a literatura e a cultura galegas nos centros de estudos galegos de universidades de Alemaña e Polonia.
19 de setembro de 2022
O Goberno remitiulle unha carta ao Parlamento Europeo para solicitarlle que permita usar o galego, o catalán e o éuscaro nos plenos e que estas linguas se equiparen ao resto dos idiomas oficiais que empregan as eurodeputadas e eurodeputados.
Fonte: La Vanguardia
19 de setembro de 2022
Grazas a esta colaboración poranse en marcha plans de normalización nas federacións de rugby, ximnasia, ciclismo, pelota e surf. Baixo o lema «Kiroletik, bagoaz euskarara» (desde o deporte, avanzamos no éuscaro) levaranse a cabo diferentes accións, como cursos para adestradoras e adestradores.
19 de setembro de 2022
O secretario xeral de Política Lingüística, Valentín García, participou na Cidade da Cultura na presentación da novela galega Dalia, a modista, onde sinalou “a importancia de que a literatura galega se incorpore a unha das tendencia emerxente nestes momentos, como son as novelas e os relatos literarios xurdidos a partir das series televisivas de éxito”.
16 de setembro de 2022
A aplicación para móbiles IndyLan permite a aprendizaxe de linguas europeas minorizadas. Entre elas, ademais do galego, atopamos o éuscaro, o gaélico e o saami.
Fonte: Travel Tomorrow
Boletín
Subscríbase ao boletín
