O secretario xeral de Política Lingüística, Valentín García, participou na presentación do volume 100 anos do Día de Galicia, da historiadora Gemma Rodríguez Alonso.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de decembro de 2022
21 de decembro de 2022
A longametraxe An Cailín Ciúin, gravada en gaélico irlandés, entra na lista de filmes seleccionados para os premios Óscar de Hollywood.
Fonte: Breaking News
21 de decembro de 2022
A partir do próximo semestre, a Universidade Nacional de Comahue impartirá a diplomatura Kimeltuwe co fin de formar persoas en lingua e cultura mapuches.
Fonte: Río Negro
21 de decembro de 2022
A través dun acordo subscrito co Instituto da Cinematografía e das Artes Audiovisuais, o Goberno vasco destinará 760 000 euros máis á produción audiovisual en éuscaro, co que o montante total da convocatoria ascende a 3 190 000 euros.
Fonte: Gobierno Vasco
21 de decembro de 2022
A Real Academia Española (RAE) presentou a actualización 23.6 do Diccionario de la lengua española (DLE), que inclúe 3152 novidades: novas incorporacións de termos, supresións e emendas de artigos xa existentes.
Fonte: Real Academia Española
21 de decembro de 2022
O secretario xeral de Política Lingüística, Valentín García, participou no Pazo de San Roque na presentación da XLV entrega dos Cadernos Ramón Piñeiro titulada Estudos arredor de Florencio Delgado Gurriarán, unha obra coa que o Centro Ramón Piñeiro para a Investigación en Humanidades lle rende unha homenaxe ao autor de Valdeorras, figura destas Letras Galegas 2022.
20 de decembro de 2022
O gaélico irlandés é considerado agora lingua oficial en Irlanda do Norte despois de que a lei sobre lingua e identidade fose aprobada de xeito oficial neste territorio do Reino Unido.
Fonte: Nationalia
20 de decembro de 2022
O aragonés súmase á longa lista de linguas ás que se traduciron as aventuras de Astérix, grazas á editorial Salvat que, coa colaboración do Goberno de Aragón, acaba de publicar o primeiro título da colección: Astérix o galo.
Fonte: Aragón Noticias
20 de decembro de 2022
O Teatro Principal acolleu a gala de entrega dos Premios Manuel Beiras que convoca o Concello de Santiago e a Cámara de Comercio que celebraron a súa XXIII edición baixo o lema «Prende o galego. Brilla con luz propia» na que resultaron galardoadas as empresas Kómic Librería, Abeluria e Orixe.
20 de decembro de 2022
Durante o ano 2023 poranse en marcha medidas concretas para impulsar o uso do éuscaro nas rúas tendo en conta a realidade de cada distrito e de cada barrio, onde inflúen factores como a disposición, o pasado, a estrutura demográfica...
Fonte: Deia
Boletín
Subscríbase ao boletín
