Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Real Academia Galega ampliou ata o 26 de xullo o prazo para participar no concurso "Contádenos o voso Día das Letras 2022", dirixido a todos os centros escolares que impartan educación infantil e primaria e mais ao alumnado con necesidades especiais de apoio educativo.
Fonte: Real Academia Galega
Con máis de 200 millóns de falantes, o mundo celebra o Día Mundial do Suahili, unha conmemoración proclamada polas Nacións Unidos para reinvindicar e potenciar o seu uso.
Fonte: The Irish Men
A Comisión de Xustiza e Cidadania da Cámara dos Deputados do Brasil aprobou o proxecto de lei que permitirá a cooficialización das linguas indíxenas nos municipios brasileiros.
Fonte: Correio Braziliense
Nesta reunión participaron representantes do propio concello, da Deputación Foral de Biscaia ou do Goberno vasco, así como outras entidades do ámbito social e cultural que integran o Consello Asesor do Éuscaro.
Fonte: BizkaiaGaur
Altea acolle unha nova edición de Bellaguarda de Cine, un ciclo de cine en valenciano polo que cada martes se proxectará un filme e cuxa entrada será libre e gratuíta.
Fonte: El Periòdic
O 8 de xullo Netflix estrea O monstro mariño (cuxo título orixinal en inglés é The Sea Beast), a primeira película de animación producida por esta plataforma integramente en galego. Este será un dos 70 títulos que, ata finais ano, Netflix incorporará nesta lingua ao seu catálogo.
A Agrupación Reformista de Policías demanda que no exercicio voluntario de idioma, ademais de francés e inglés, se inclúa o resto de linguas oficiais: éuscaro, catalán, aranés, galego e valenciano.
Fonte: El Foro de Ceuta
A Generalitat de Catalunya envioulle unha carta a Google na que lle reclaman que se poida consultar o servizo de Google News en catalán, así como que se incorpore esta lingua aos asistentes de voz de todos os servizos.
Fonte: DBalears
Léocho?, con base en Santiago de Compostela, sacará á luz o venres 8 de xullo os dez primeiros audiolibros en galego, todos de autores do Rexurdimento, entre os que figurarán obras de Rosalía, Curros e Pondal, así como doutros menos coñecidos.
Fonte: Faro de Vigo
O certame «Nós tamén creamos!», impulsado pola Secretaría Xeral de Política Lingüística e a Secretaría Xeral de Educación e Formación Profesional, en colaboración coa Corporación de Radio e Televisión de Galicia e OQO editora para fomentar o talento na creación de contidos audiovisuais en galego entre a xente nova, comunicou o palmarés da súa décima edición.
Subscríbase ao boletín
